پاۆلودار وبلىسى ەۋەلبەك اۋىلدىق مەكتەبٸندە تەمپەراتۋرالىق رەجيم قالپىنا كەلتٸرٸلەدٸ. بۇل جٶنٸندە وبلىس ەكٸمٸنٸڭ باسپاسٶز قىزمەتٸ مەلٸم ەتتٸ, دەپ حابارلايدى قازاقپارات.
ەلەۋمەتتٸك جەلٸلەردە پايدا بولعان وقۋ ورنىنىڭ ناشار جىلۋى تۋرالى شاعىمداردان كەيٸن پاۆلودار وبلىسىنىڭ ەكٸمٸ ەبٸلقايىر سقاقوۆ اقتوعاي اۋدانىنداعى مەكتەپكە باردى.
بٷگٸندە مۇندا 40 توننا كٶمٸر قابىلدانىپ, تەمپەراتۋرالىق رەجيمدٸ قالپىنا كەلتٸرۋگە كٸرٸستٸ.
ٶڭٸر باسشىسى وقۋ ورنىنىڭ بٸرنەشە كابينەتتەرٸ مەن سپورت زالىن ارالاپ شىقتى.
اقپاننىڭ 21-ٸ كٷنٸ تاڭەرتەڭ مەكتەپ اۋماعىندا اۋا تەمپەراتۋراسى 15 گرادۋستى قۇرادى.
بٸلٸم وشاعىنىڭ ەكٸمشٸلٸگٸ سول كٷنٸ مەكتەپ ٸشٸندەگٸ تەمپەراتۋرالىق رەجيمدٸ وڭتايلى دەڭگەيگە جەتكٸزەمٸز دەپ سەندٸردٸ.
- ٶتكەن اپتانىڭ باسىنان بەرٸ كٶمٸر جەتكٸزۋشٸمەن كەلٸسسٶز جٷرگٸزٸپ جاتىرمىز, - دەدٸ اقتوعاي اۋدانىنىڭ ەكٸمٸ قارشىعا ارىنوۆ. – ول قاتتى وتىندى جۇما كٷنٸ جەتكٸزەمٸز دەپ ۋەدە بەرگەن, بٸراق ٶتٸنٸشتٸ ورىندامادى. بٸزگە بٶلمەلەردٸ قولدا بار كٶمٸر قالدىقتارىمەن جىلىتۋعا تۋرا كەلدٸ.
بەلگٸلٸ بولعانداي, كٶمٸر جەتكٸزۋشٸمەن بٸر ايدان استام ۋاقىت بويى سوت پروتسەسٸ جٷرٸپ جاتىر.
بۇل رەتتە وبلىس دەڭگەيٸندە بٸلٸم وشاعىنىڭ سالقىن بولۋ قاۋپٸ بار ەكەنٸ ەشكٸمگە ەسكەرتٸلمەگەن.
- بۇل مەكتەپتە قالىپتاسقان جاعداي بيۋروكراتييا مەن نەمقۇرايدىلىقتىڭ ٷلگٸسٸ بولىپ تابىلادى, - دەدٸ پاۆلودار وبلىسىنىڭ ەكٸمٸ. - كٶمٸر جەتكٸزۋشٸمەن سوتتاسىپ جاتقاندا, بالالار توڭىپ جٷر. بۇل رەتتە جەرگٸلٸكتٸ اتقارۋشى ورگانداردىڭ ەشقايسىسى بۇل مەسەلەنٸ بٸلٸم باسقارماسىنا دا, وبلىس ەكٸمدٸگٸنە دە حابارلاماعان. نەگە بەرٸ ٷنسٸز وتىرعان? كٶمٸر ٶندٸرەتٸن ايماقتا تۇرىپ, كٶمٸرمەن قامتاماسىز ەتۋ مەسەلەسٸن تەزٸرەك شەشٸپ, بالالاردى نازاردان تىس قالدىرماس ەدٸك قوي.
ەبٸلقايىر سقاقوۆ اقتوعاي اۋدانىنىڭ باسشىسى قارشىعا ارىنوۆقا جەنە بٸلٸم باسقارماسىنىڭ باسشىسى دٸنيسلام بولاتحانۇلىنا قاتاڭ سٶگٸس جارييالادى.
سونىمەن قاتار, بٸلٸم وشاعىنداعى بولعان جاعدايعا بايلانىستى باسقا دا كٸنەلٸ لاۋازىمدى تۇلعالارعا دا شەشٸم قابىلداۋدى تاپسىردى.
