پاۆلودار وبلىستىق تٶتەنشە جاعدايلار دەپارتامەنتٸ مەكتەپ اۆتوبۋسى مەن ٶرت سٶندٸرۋ كٶلٸگٸنٸڭ سوقتىعىسۋىنا قاتىستى وقيعاعا تٷسٸنٸك بەردٸ, دەپ حابارلايدى قازاقپارات.
«ساعات 14:02-دە «101» نٶمٸرٸنە شىعىس ٶنەركەسٸپ ايماعى كٶشەسٸ, 905 مەكەنجايىندا ٶرت شىققانى تۋرالى حابار تٷستٸ. جەكە تۇرعان تەمٸر-بەتون گاراجىندا 20 شارشى مەتر اۋماقتى قامتيتىن جيھازدار, ٷي زاتتارى ٶرتەنگەن», - دەپ حابارلادى پاۆلودار وبلىستىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸنەن.
ٶرت 15:45-تە اۋىزدىقتالدى. وقيعا ورنىندا جەكە قۇرامنىڭ 18 ادامى جەنە 7 تەحنيكا جۇمىس ٸستەدٸ, دەدٸ ۆەدومستۆودان.
پاۆلوداردىڭ شىعىس ٶنەركەسٸپ ايماعى №4 ٶرت سٶندٸرۋ بٶلٸمٸنە جاقىن ورنالاسقان, سوندىقتان وقيعا ورنىنا وسى بٶلٸمدەگٸ كٷشتەر جٸبەرٸلدٸ. كاماز بازاسىنداعى 5 توننالىق جەنە 8 توننالىق اۆتوتسيستەرنالار وقيعا ورنىنا دەرەۋ شىقتى.
«ششەدرين-ەلگين كٶشەلەرٸنٸڭ قيىلىسىندا شاقىرۋ جولىندا № 43 جالپى ورتا بٸلٸم بەرۋ مەكتەبٸنٸڭ وقۋشىلارىن تاسىمالدايتىن پاز اۆتوبۋسىمەن 8 توننالىق ٶرت اۆتوتسيستەرناسى سوقتىعىستى.
اۆتوتسيستەرنا ەلگين كٶشەسٸ بويىمەن كەلە جاتىپ كٶك نەمەسە قىزىل تٷستٸ جارقىلداۋىق ماياگىن جەنە ارنايى دىبىس سيگنالىن ٸسكە قوسقان. ٶرت سٶندٸرۋ كٶلٸگٸ باعدارشامنىڭ قىزىل تٷسٸ جانعاندا جٷرٸپ كەلە جاتقان. ششەدرين كٶشەسٸندەگٸ پاز اۆتوبۋسى وعان جول بەرمەستەن قوزعالىسىن جالعاستىرىپ, ٶرت سٶندٸرۋ كٶلٸگٸن سوققان. وسى ۋاقىتتا اۆتوبۋستا ورتا جالپى بٸلٸم بەرۋ مەكتەبٸنٸڭ وقۋشىلارى بولعان. اۆتوبۋستا جالپى 8 ادام وتىردى. بارلىق وقۋشىلار وبلىستىق بالالار اۋرۋحاناسىنا جەتكٸزٸلدٸ», - دەدٸ تجد-دان.
جول-كٶلٸك وقيعاسىنىڭ مەن-جايى انىقتالىپ جاتىر, دەدٸ قۇتقارۋشىلار.
