دەنەسٸنٸڭ 50 پايىزىن كٷيٸك شالعان ەيەلدٸڭ جاعدايى بٸرنەشە كٷن بۇرىن كٷرت ناشارلاپ كەتكەن, دەپ حابارلايدى "ۇلت اقپارات" Pavlodarnews.kz -كە سٸلتەمە جاساپ.
پاۆلودار وبلىستىق دەنساۋلىق ساقتاۋ باسقارماسىنىڭ مەلٸمەتٸنشە, روزوۆكا اۋىلىنىڭ تۇرعىنى اۋرۋحانادا كٶز جۇمعان. بۇعان دەيٸن ونىڭ جاعدايىنىڭ اۋىر ەكەنٸن دەرٸگەرلەر ايتقان بولاتىن.
- ناۋقاستىڭ جاعدايى سوڭعى كٷندەرٸ ناشارلاپ كەتتٸ. وسىعان بايلانىستى ول جاساندى تىنىس الۋ اپپاراتىنا قوسىلعان بولاتىن. ٶكٸنٸشكە قاراي, ەيەل بٷگٸن قايتىس بولدى, - دەدٸ وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸ.
34 جاستاعى ەيەلدٸ ٸشٸمدٸككە تويىپ العان كٷيەۋٸ ٶرتەگەن. وبلىستىق پوليتسييا دەپارتامەنتٸنٸڭ مەلٸمەتٸنشە, ەرلٸ-زايىپتىلار وقىس وقيعاعا دەيٸن ٶزارا ۇرىسقان. كەيٸن ەيەلٸ ماس كٷيٸندە كٶلٸك تٸزگٸندەمەك بولعان كٷيەۋٸنە رۇقسات بەرمەگەن. ول توڭازىتقىشتا تۇرعان سپيرتتٸ الىپ, ەيەلٸنە شاشىپ, وتتىقپەن وت قويعان.
ٶرتەنگەنٸنە قاراماستان ەيەل كٷيەۋٸنٸڭ ٷستٸنەن ارىز جازۋدان باس تارتقان. الايدا قۇقىق قورعاۋ ورگاندارى دەنساۋلىققا قاساقانا اۋىرلىعى ورتاشا زييان كەلتٸرگەنٸ ٷشٸن سوتقا دەيٸنگٸ تەرگەۋدٸ باستادى.
بولعان جاعدايعا قاراماستان,وتباسىنىڭ كٶرشٸلەرٸ ەرلٸ-زايىپتىلاردىڭ تاتۋ بولعانىن ايتادى. ولاردىڭ ورتاق ٷش بالالارى بار. قازٸر ولار اتاسى مەن ەجەسٸنٸڭ قولىندا.
