پاۆلودار سىرتىندا قۇرىلىس قوقىسى اراسىنان تابىلدى قازاقستاننىڭ ەكٸ ەلتاڭباسى تابىلدى, دەپ جازادى Sputnik قازاقستان پاۆلودار وبلىسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
پاۆلودارلىق ەكولوگتار حابارلاعانداي, قوقىس ەلەكتروليز زاۋىتىنىڭ سانيتارلىق-قورعاۋ ايماعىندا بولعان. وقيعا ورنىنا جەدەل-تەرگەۋ توبى باردى.
قىلمىستىق كودەكستٸڭ 372-بابى ("مەملەكەتتٸك رەمٸزدەردٸ قورلاۋ") بويىنشا سوت تەرگەۋٸ باستالدى. كٸنەلٸ ادامعا 2 000 اەك (6 126 000 تەڭگە نەمەسە 13 027 اقش دوللارى) مٶلشەرٸندە ايىپپۇل سالىنۋى مٷمكٸن. سول مٶلشەردە تٷزەۋ جۇمىستارىنا نە 600 ساعاتقا دەيٸنگٸ مەرزٸمگە قوعامدىق جۇمىستارعا تارتۋ جازاسى دا قولدانىلۋى ىقتيمال. بۇل باپ بويىنشا ەكٸ جىلعا دەيٸنگٸ مەرزٸمگە باس بوستاندىعىن شەكتەۋگە نە سول مەرزٸمگە باس بوستاندىعىنان ايىرۋ دا قاراستىرىلعان.
جەدەل-ٸزدەستٸرۋ ٸس-شارالارى جٷرگٸزٸلٸپ جاتىر.
