فوتو: time.kz
سانيتارلىق تەكسەرٸس نەتيجەسٸ بويىنشا پەرزەنتحانا عيماراتى اپاتتى دەپ تانىلعان. ەمدەۋ مەكەمەسٸ تولىعىمەن وبلىستىق پەريناتالدىق ورتالىققا كٶشٸرٸلەدٸ, دەپ حابارلايدى Ult.kz Kazinform-عا سٸلتەمە جاساپ.
وبلىس ورتالىعىنداعى № 1 قالالىق اۋرۋحانا جانىندا ورىن تەپكەن قالالىق پەرزەنتحانا ٶز جۇمىسىن توقتاتادى. عيماراتتىڭ توزىعى جەتكەنٸ سەبەپتٸ, ونى ەرٸ قاراي پايدالانۋ قاۋٸپتٸ دەپ تانىلعان.
پەرزەنتحانا 1988 جىلى سالىنعان. سوڭعى جٷرگٸزٸلگەن سانيتارلىق تەكسەرٸس عيماراتتىڭ اپاتتى جاعدايدا تۇرعانىن انىقتاعان.
№ 1 قالالىق اۋرۋحانا باسشىسىنىڭ حيرۋرگييا جٶنٸندەگٸ ورىنباسارى ازامات قايتاەۆتىڭ ايتۋىنشا, 2024 جىلى پەرزەنتحانا بٶلٸمشەسٸندە بوسانۋ سانى 21%-عا ازايعان. سونداي-اق, تٶسەك-ورىننىڭ ناقتى جٷكتەمەسٸ 26,7%-عا كەمٸگەن. كٶرسەتكٸشتەردٸڭ تٶمەندەۋٸ قارجىنى تيٸمسٸز پايدالانۋعا ەكەلەتٸنٸ انىق. سوڭعى جىلدارى بۇل عيماراتتا كٷردەلٸ جٶندەۋ جۇمىستارى دا جٷرگٸزٸلمەگەن.
— تەحنيكالىق ساراپتاما قورىتىندىسى بويىنشا عيماراتتى پايدالانۋعا رۇقسات تەك 2025 جىلعا دەيٸن بەرٸلگەن. بٷگٸندە مۇندا 160 ادام جۇمىس ٸستەيدٸ. ونىڭ 55-ٸ پاۆلودار وبلىستىق پەريناتالدىق ورتالىعىنا اۋىسادى. قالعاندارى باسقا بٶلٸمدەر مەن ٶڭٸرلٸك اۋرۋحانالارعا جۇمىسقا ورنالاسادى. ەگەر ۇسىنىلعان جۇمىستان باس تارتسا, زاڭعا ساي ٶتەماقى تٶلەنەدٸ. پەريناتالدىق ورتالىقتا مۇنداي كٶمەك كٶرسەتۋگە تولىق مٷمكٸندٸك بار. ورتالىقتىڭ قارجىلىق رەسۋرسى, كەڭ عيماراتى جەنە قاجەتتٸ تەحنيكالىق جابدىقتارى جەتكٸلٸكتٸ. قازٸرگٸ كەزدە قىزمەتكەرلەردى اۋىستىرۋ, قۇرال-جابدىقتاردى كٶشٸرۋ جۇمىستارى باستالىپ كەتتٸ. بۇل جۇمىستار 1 ماۋسىمعا دەيٸن تولىق اياقتالادى دەپ كٷتٸلٸپ وتىر, — دەيدٸ ازامات قايتاەۆ.
