«ەلەكور كۋزەت» كٷزەت فيرماسىنىڭ ەكٸ قىزمەتكەرٸ سۆياتوسلاۆ كوملەۆ پەن ەرنار سەيٸتقانوۆتىڭ ەرقايسىسى تٶرت جارىم جىلعا سوتتالدى. ٷكٸمدە ەكەۋٸنٸڭ جازالارىن جالپى رەجيمدەگٸ تٷزەتۋ مەكەمەسٸندە ٶتەيتٸنٸ ايتىلعان.
ولارعا جەكە مەنشٸك كٷزەت فيرماسى قىزمەتكەرٸنٸڭ قۇزىرەتٸن ارنايى قۇرالدار مەن قارۋ قولدانا وتىرىپ اسىرا پايدالاندى دەگەن ايىپ تاعىلعان. پاۆلودار قالاسى № 2 قىلمىستىق سوتى ٷكٸمٸمەن سەيٸتقانوۆ سوت زالىنان تۇتقىنعا الىندى. كوملەۆ 2016 جىلدىڭ قازان ايىنان بەرٸ قاماۋدا وتىرعان ەدٸ.
40 جاستاعى سۆياتوسلاۆ كوملەۆ پەن 29 جاستاعى ەرنار سەيٸتقانوۆ پاۆلودارداعى كافە قوناقتارىن ۇرۋ وقيعاسىنان كەيٸن سوتتالىپ وتىر. قازان ايىنىڭ باسىندا ەلەۋمەتتٸك جەلٸدە كافەدە قوناقتاردى ۇرعان ۆيدەو تاراعان ەدٸ. وندا كٷزەتشٸلەر اۆتومات دٷمٸمەن بٸرنەشە ەر ادامدى كافە ٸشٸندە سوققىعا جىعادى, بوقتايدى.
كافەدە كٸسٸ ۇردى دەپ ايىپتالعان «ەلەكور كۋزەت» فيرماسىنىڭ قىزمەتكەرٸ سۆياتوسلاۆ كوملەۆ ەيەلٸنٸڭ قولىنان ۇستاپ تۇر. پاۆلودار, 5 قاڭتار 2017 جىل.
سوتتالۋشىلار سوڭعى سٶزدەرٸندە جەبٸرلەنۋشٸلەردەن كەشٸرٸم سۇراپ, سوتتان باس بوستاندىقتارىنان ايىرماۋدى ٶتٸندٸ. سۆياتوسلاۆ كوملەۆتٸڭ اسىراۋىندا كەمەلەت جاسقا تولماعان بالالارى بار. ەرنار سەيٸتقانوۆتىڭ اناسى - بٸرٸنشٸ توپ مٷگەدەگٸ.
مۇنىڭ الدىندا سوت شەشٸمٸمەن كٷزەت فيرماسىنىڭ تاعى ەكٸ قىزمەتكەرٸ - 37 جاستاعى رۋسلان ەبدٸراحمانوۆ پەن 31 جاستاعى ازات احمەتوۆ قىلمىستىق جاۋاپكەرشٸلٸكتەن بوساتىلعان ەدٸ. اقپاراتتارعا قاراعاندا, ولاردى جاۋاپكەرشٸلٸكتەن بوساتۋ تۋرالى جەبٸرلەنۋشٸلەردٸڭ بٸرٸ ٶتٸنٸش تٷسٸرگەن. ٶتٸنٸش يەسٸ پاۆلودار وبلىسىنىڭ ەرتٸس اۋدانىنىڭ 41 جاستاعى تۇرعىنى. سوت-مەديتسينالىق ساراپتاما قورىتىندىسىندا ونىڭ باس سٷيەك جەنە مي جاراقاتىن العانى, بەتٸنٸڭ جەنە تٶسٸنٸڭ ٸسكەنٸ, ومىرتقاسىنا زاقىم كەلگەنٸ جازىلعان. بۇل جاراقاتتاردى سوت جەڭٸل دەپ تاپقان.
