پاۆلودار قالاسىندا دٷكەن ٶرتەندٸ. ٶرت سٶندٸرۋشٸلەر جالىنعا ورانعان عيماراتتان 47 ادامدى قاۋٸپسٸز جەرگە شىعاردى, ولاردىڭ اراسىندا بٸر بالا بار, دەپ حابارلايدى "ۇلت اقپارات".
«تاڭعى ساعات 07:05-تە پاۆلودار قالاسىنداعى سەتباەۆ كٶشەسٸندە ورنالاسقان «التاير» دٷكەنٸنەن ٶرت شىققانى تۋرالى حابارلاما كەلٸپ تٷسكەن. توعىزقاباتتى كٶپپەتەرلٸ ٷيدٸڭ استىندا سالىنعان بٸرقاباتتى دٷكەندە ٷش شارشى مەتر اۋماقتا ٶرت بولعان», - دەپ حابارلادى پاۆلودار وبلىستىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸنەن.
ٶرت ساعات 07:50-دە تولىق سٶندٸرٸلدٸ. تجد قىزمەتكەرلەرٸ باسپالداقپەن 47 ادامدى ەۆاكۋاتسييالاعان, ولاردىڭ اراسىندا بٸر بالا بولدى. قازا تاپقاندار مەن زارداپ شەككەندەر جوق, دەپ قوسىپ ٶتتٸ تجد-دان.
«ٶرتتٸڭ شىعۋ سەبەبٸ مەن كەلتٸرٸلگەن شىعىن كٶلەمٸ انىقتالۋدا. تٸلسٸز جاۋمەن كٷرەس جٷرگٸزۋگە جەكە قۇرامنىڭ 15 ادامى مەن بەس تەحنيكا بٸرلٸگٸ جۇمىلدىرىلعان», - دەپ باياندادى ۆەدومستۆودان.
