Pavlodar qalasynda dúken órtendi. Órt sóndirýshiler jalynǵa oranǵan ǵimarattan 47 adamdy qaýipsiz jerge shyǵardy, olardyń arasynda bir bala bar, dep habarlaidy "Ult aqparat".
«Tańǵy saǵat 07:05-te Pavlodar qalasyndaǵy Sátbaev kóshesinde ornalasqan «Altair» dúkeninen órt shyqqany týraly habarlama kelip túsken. Toǵyzqabatty kóppáterli úidiń astynda salynǵan birqabatty dúkende úsh sharshy metr aýmaqta órt bolǵan», - dep habarlady Pavlodar oblystyq Tótenshe jaǵdailar departamentiniń baspasóz qyzmetinen.
Órt saǵat 07:50-de tolyq sóndirildi. TJD qyzmetkerleri baspaldaqpen 47 adamdy evakýatsiialaǵan, olardyń arasynda bir bala boldy. Qaza tapqandar men zardap shekkender joq, dep qosyp ótti TJD-dan.
«Órttiń shyǵý sebebi men keltirilgen shyǵyn kólemi anyqtalýda. Tilsiz jaýmen kúres júrgizýge jeke quramnyń 15 adamy men bes tehnika birligi jumyldyrylǵan», - dep baiandady vedomstvodan.
