2021 جىلى اليمەنت تٶلەۋ بويىنشا سوت ٷكٸمٸن نەمەسە شەشٸمٸن ورىنداماعانى ٷشٸن ٶڭٸردٸڭ 67 تۇرعىنى قازاقستان رەسپۋبليكاسى ەقبتك 669-بابى بويىنشا ەكٸمشٸلٸك جاۋاپكەرشٸلٸككە تارتىلدى, دەپ حابارلايدى Pavlodarnews.kz سايتى.
وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, اليمەنتتەردٸ قاساقانا تٶلەمەگەن 4 ادام قىلمىستىق جاۋاپكەرشٸلٸككە تارتىلعان.
- 2018 جىلى سوت پاۆلودار قالاسىنىڭ 37 جاستاعى تۇرعىنىنان بالالار ٷيٸندە تۇراتىن كٸشكەنتاي ۇلىن اسىراۋعا اليمەنت ٶندٸرٸپ الۋ تۋرالى شەشٸم قابىلدادى. سوت شەشٸمٸ بويىنشا ەيەل اي سايىن ۇلىنا جالاقىسىنىڭ 1/4 بٶلٸگٸن كەمەلەتكە تولعانعا دەيٸن تٶلەۋٸ كەرەك ەدٸ. الايدا, ول بارلىق تالاپتاردى ەلەمەي, بالاسىنا ەشقاشان اقشا تٶلەمەگەن. سوت اكتٸلەرٸن ورىنداۋ مٸندەتتٸلٸگٸ تۋرالى سوت ورىنداۋشىلارىنىڭ جازباشا حابارلامالارى مەن ەسكەرتۋلەرٸنە ەشقانداي ەرەكەت جاساماعان جەنە پايدا بولعان بەرەشەكتٸ ٶتەۋ بويىنشا شارالار قابىلداماعان, - دەدٸ پوليتسييا دەپارتامەنتٸ انىقتاۋ باسقارماسىنىڭ باسشىسى قابدۋلماناپ اكەباەۆ.
وسىعان بايلانىستى سوت ەيەلدٸ قازاقستان رەسپۋبليكاسى ەقبتك-نٸڭ 669-بابىندا كٶزدەلگەن «سوت ٷكٸمٸن, سوت شەشٸمٸن نەمەسە ٶزگە دە سوت اكتٸسٸ مەن اتقارۋ قۇجاتىن ورىنداماۋ» بويىنشا قۇقىق بۇزۋشىلىق جاساعانى ٷشٸن كٸنەلٸ دەپ تانىعان جەنە بٸر تەۋلٸك مەرزٸمگە ەكٸمشٸلٸك قاماۋعا الۋ تٷرٸندە ەكٸمشٸلٸك جازاعا تارتىلعان. الايدا وسىدان كەيٸن دە تيٸستٸ قورىتىندى شىعارماعان.
وسى ۋاقىت ٸشٸندە ەيەل جۇمىس ٸستەپ, جالاقى العان, بٸراق ونى سوت ورىنداۋشىسىنان جاسىرعان.
- بٷگٸنگٸ تاڭدا ەيەل ٶزٸنٸڭ 5 جاسار ۇلىنا 1,5 ملن تەڭگەدەن استام قارىز. سوندىقتان 2021 جىلعى 9 ماۋسىمدا پاۆلودار وبلىسىنىڭ كەمەلەتكە تولماعانداردىڭ ٸستەرٸ جٶنٸندەگٸ مامانداندىرىلعان اۋدانارالىق سوتى ونىڭ بالانى كٷتٸپ-باعۋعا قاراجات تٶلەۋ جٶنٸندەگٸ مٸندەتتەردٸ ورىنداماعانى ٷشٸن قر قىلمىستىق كودەكسٸنٸڭ 139-بابى بويىنشا 1 جىلعا باس بوستاندىعىن شەكتەدٸ, - دەدٸ قابدۋلماناپ اكەباەۆ.
