2021 jyly aliment tóleý boiynsha sot úkimin nemese sheshimin oryndamaǵany úshin óńirdiń 67 turǵyny Qazaqstan Respýblikasy ÁQBtK 669-baby boiynsha ákimshilik jaýapkershilikke tartyldy, dep habarlaidy Pavlodarnews.kz saity.
Oblystyq politsiia departamenti baspasóz qyzmetiniń málimetinshe, alimentterdi qasaqana tólemegen 4 adam qylmystyq jaýapkershilikke tartylǵan.
- 2018 jyly sot Pavlodar qalasynyń 37 jastaǵy turǵynynan balalar úiinde turatyn kishkentai ulyn asyraýǵa aliment óndirip alý týraly sheshim qabyldady. Sot sheshimi boiynsha áiel ai saiyn ulyna jalaqysynyń 1/4 bóligin kámeletke tolǵanǵa deiin tóleýi kerek edi. Alaida, ol barlyq talaptardy elemei, balasyna eshqashan aqsha tólemegen. Sot aktilerin oryndaý mindettiligi týraly sot oryndaýshylarynyń jazbasha habarlamalary men eskertýlerine eshqandai áreket jasamaǵan jáne paida bolǵan bereshekti óteý boiynsha sharalar qabyldamaǵan, - dedi politsiia departamenti anyqtaý basqarmasynyń basshysy Qabdýlmanap Akebaev.
Osyǵan bailanysty sot áieldi Qazaqstan Respýblikasy ÁQBtK-niń 669-babynda kózdelgen «Sot úkimin, sot sheshimin nemese ózge de sot aktisi men atqarý qujatyn oryndamaý» boiynsha quqyq buzýshylyq jasaǵany úshin kináli dep tanyǵan jáne bir táýlik merzimge ákimshilik qamaýǵa alý túrinde ákimshilik jazaǵa tartylǵan. Alaida osydan keiin de tiisti qorytyndy shyǵarmaǵan.
Osy ýaqyt ishinde áiel jumys istep, jalaqy alǵan, biraq ony sot oryndaýshysynan jasyrǵan.
- Búgingi tańda áiel óziniń 5 jasar ulyna 1,5 mln teńgeden astam qaryz. Sondyqtan 2021 jylǵy 9 maýsymda Pavlodar oblysynyń kámeletke tolmaǵandardyń isteri jónindegi mamandandyrylǵan aýdanaralyq soty onyń balany kútip-baǵýǵa qarajat tóleý jónindegi mindetterdi oryndamaǵany úshin QR Qylmystyq Kodeksiniń 139-baby boiynsha 1 jylǵa bas bostandyǵyn shektedi, - dedi Qabdýlmanap Akebaev.
