ۆيدەونى پەتەر تەرەزەسٸنەن تٷسٸرٸپ تۇرعان ەيەل پوليتسيياعا حابارلاسقان.
كۋەگەرلەردٸڭ ايتۋىنشا, الدىمەن ەكٸ ەر ادام اعاش تاياقپەن تٶبەلەسكەن, تاعى ەكەۋٸ نە بولىپ جاتقانىن باقىلاپ, ولاردى اجىراتپاق بولعان. ارتىنشا, جەرگە قۇلاعان بٸرەۋٸن ەكٸنشٸسٸ تاياقپەن ۇرا باستاعان.
پاۆلودار وبلىستىق جەدەل جەردەم بٶلٸمٸنٸڭ باسپاسٶز قىزمەتٸ جەبٸرلەنۋشٸ ٸش قۋىسىن جاراقاتتاعانىن, مۇرنى سىنعانىن, باسسٷيەك-مي جاراقاتىن الىپ, كوماعا تٷسكەنٸن ايتتى.
"ناۋقاس پاۆلودار وبلىستىق اۋرۋحاناسىنىڭ جانساقتاۋ بٶلٸمٸندە اۋىر حالدە جاتىر", - دەدٸ پاۆلودار وبلىسىنىڭ دەنساۋلىق ساقتاۋ باسقارماسى ٶكٸلدەرٸ.
پوليتسەيلەر وقيعانىڭ مەن-جايىن انىقتاپ جاتىر.
"بۇل دەرەك بويىنشا قىلمىستىق كودەكستٸڭ 106-بابىنىڭ 1-بٶلٸگٸمەن سوتالدى تەرگەۋ امالدارى جٷرگٸزٸلٸپ جاتىر. كٷدٸكتٸ ۇستالىپ, پاۆلودار قالاسىنداعى ۋاقىتشا ۇستاۋ يزولياتورىنا قامالدى", - دەپ حابارلادى وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
ايتا كەتەيٸك, دەنساۋلىققا قاساقانا اۋىر زييان كەلتٸرگەنٸ ٷشٸن كٷدٸكتٸ 3 جىلدان 8 جىلعا دەيٸن باس بوستاندىعىنان ايىرىلۋى مٷمكٸن.
يلليۋستراتسييا: astv.ru
