پاۆلوداردا سٷيٸكتٸسٸمەن ۇرىسىپ قالعان تۇرعىن ەكٸمدٸك عيماراتى جانىنداعى اباي ەسكەرتكٸشٸنەن ٶشٸن العان. ەر ادام ەسكەرتكٸشكە جۇمىرتقا مەن دەرەتحانا قاعازىن لاقتىردى, - دەپ حابارلايدى Tengrinews.kz.
وقيعادان كەيٸنگٸ كٶرٸنٸستٸ كۋەگەرلەر ۆيدەوعا تٷسٸرٸپ العان. كادرلاردان اباي قۇنانباەۆتىڭ ەسكەرتكٸشٸندە لاستانعان ٸزدەر قالعانى, ال ماڭايىندا دەرەتحانا قاعازى مەن جۇمىرتقا قابىعى شاشىلىپ جاتقانىن كٶرۋگە بولادى.
Instagram ەلەۋمەتتٸك جەلٸسٸندە ۆيدەو پايدا بولعاننان كەيٸن پوليتسييا قىزمەتكەرلەرٸ كٸنەلٸ ەر ادامدى ۇستاعان. ول 21 جاستاعى پاۆلودارلىق بولىپ شىقتى.
"ەر ادام ٶز ەرەكەتٸن سٷيٸكتٸسٸمەن ۇرىسىپ قالعاننان كەيٸن ماس كٷيٸندە جاساعانىن تٷسٸندٸردٸ. ول قر ەقبتك-نٸڭ 434-بابى "ۇساق بۇزاقىلىق" بويىنشا جاۋاپقا تارتىلعان. ماتەريال شەشٸم قابىلداۋ ٷشٸن سوتقا جٸبەرٸلدٸ", - دەدٸ پاۆلودار وبلىسى پوليتسييا دەپارتامەنتٸنٸڭ باسپاسٶز قىزمەتٸ ٶكٸلٸ.
باپ سانكتسيياسى ون تەۋلٸك مەرزٸمگە ەكٸمشٸلٸك قاماۋعا الۋدى كٶزدەيدٸ.
سونىمەن قاتار, تەرتٸپبۇزۋشى قر ەقبتك-نىڭ 440-بابى بويىنشا قوعامدىق ورىندا ماس كٷيٸندە بولعانى ٷشٸن ەكٸمشٸلٸك جاۋاپكەرشٸلٸككە تارتىلىپ, وعان بەس ايلىق ەسەپتٸك كٶرسەتكٸشتە ايىپپۇل سالىنعان. سونداي-اق, پاۆلودارلىق ٶز ەرەكەتٸ ٷشٸن ٶكٸنەنتٸنٸن ايتىپ كەشٸرٸم سۇرادى.
