Pavlodarda súiiktisimen urysyp qalǵan turǵyn ákimdik ǵimaraty janyndaǵy Abai eskertkishinen óshin alǵan. Er adam eskertkishke jumyrtqa men dárethana qaǵazyn laqtyrdy, - dep habarlaidy Tengrinews.kz.
Oqiǵadan keiingi kórinisti kýágerler videoǵa túsirip alǵan. Kadrlardan Abai Qunanbaevtyń eskertkishinde lastanǵan izder qalǵany, al mańaiynda dárethana qaǵazy men jumyrtqa qabyǵy shashylyp jatqanyn kórýge bolady.
Instagram áleýmettik jelisinde video paida bolǵannan keiin politsiia qyzmetkerleri kináli er adamdy ustaǵan. Ol 21 jastaǵy pavlodarlyq bolyp shyqty.
"Er adam óz áreketin súiiktisimen urysyp qalǵannan keiin mas kúiinde jasaǵanyn túsindirdi. Ol QR ÁQBtK-niń 434-baby "Usaq buzaqylyq" boiynsha jaýapqa tartylǵan. Material sheshim qabyldaý úshin sotqa jiberildi", - dedi Pavlodar oblysy politsiia departamentiniń baspasóz qyzmeti ókili.
Bap sanktsiiasy on táýlik merzimge ákimshilik qamaýǵa alýdy kózdeidi.
Sonymen qatar, tártipbuzýshy QR ÁQBtK-nyń 440-baby boiynsha qoǵamdyq orynda mas kúiinde bolǵany úshin ákimshilik jaýapkershilikke tartylyp, oǵan bes ailyq eseptik kórsetkishte aiyppul salynǵan. Sondai-aq, pavlodarlyq óz áreketi úshin ókinentinin aityp keshirim surady.
