اباي قۇنانباەۆتىڭ ەسكەرتكٸشٸنە جۇمىرتقا لاقتىرعان پاۆلودارلىق بۇزاقىلىق جاساعانى ٷشٸن ەلدەن كەشٸرٸم سۇراپ, كەيٸن لاستاعان جەرٸن تازالادى, - دەپ حابارلايدى Tengrinews.kz.
Instagram-دا جارييالانعان ۆيدەودا جٸگٸت قولىنا شەلەك پەن شٷبەرەك الىپ تۇعىردى جۋعانىن كٶرۋگە بولادى.
"كەشە قاتەلەسٸپ, اباي قۇنانباەۆتىڭ ەسكەرتكٸشٸنە جۇمىرتقا لاقتىردىم. كٸنەمدٸ ٶتەۋ ٷشٸن ەسكەرتكٸشتٸ ٶز ەركٸممەن جۋۋدى ۇيعاردىم. پاۆلودار مەن پاۆلودار وبلىسىنىڭ بارلىق تۇرعىنىنان كەشٸرٸم سۇرايمىن. مۇنداي قاتەلٸك جاساماڭىزدار", - دەيدٸ جٸگٸت.
ەسكە سالايىق, 21 جاستاعى پاۆلودارلىق وبلىس ەكٸمدٸگٸ ماڭىندا ورناتىلعان اباي ەسكەرتكٸشٸنە جۇمىرتقا مەن دەرەتحانا قاعازىن لاقتىرعان بولاتىن. ول مۇنى قۇربىسىمەن جانجالداسىپ قالعاننان كەيٸن اشۋعا بەرٸلٸپ جاساعانىن ايتتى. جٸگٸت سول كەزدە ماس بولعانىن مويىندادى.
پوليتسييا قىزمەتكەرلەرٸ ۇستالعان ادامعا قر ەقبتك-نٸڭ 434-بابى "ۇساق بۇزاقىلىق" بويىنشا ەكٸمشٸلٸك ماتەريال تولتىرىپ, سوتقا جولدادى.
وعان قوسا, جٸگٸتكە قر ەقبتك-نٸڭ 440-بابى بويىنشا قوعامدىق ورىندا ماس كٷيدە بولعانى ٷشٸن بەس ايلىق ەسەپتٸك كٶرسەتكٸشپەن ايىپپۇل سالىندى.
