Abai Qunanbaevtyń eskertkishine jumyrtqa laqtyrǵan pavlodarlyq buzaqylyq jasaǵany úshin elden keshirim surap, keiin lastaǵan jerin tazalady, - dep habarlaidy Tengrinews.kz.
Instagram-da jariialanǵan videoda jigit qolyna shelek pen shúberek alyp tuǵyrdy jýǵanyn kórýge bolady.
"Keshe qatelesip, Abai Qunanbaevtyń eskertkishine jumyrtqa laqtyrdym. Kinámdi óteý úshin eskertkishti óz erkimmen jýýdy uiǵardym. Pavlodar men Pavlodar oblysynyń barlyq turǵynynan keshirim suraimyn. Mundai qatelik jasamańyzdar", - deidi jigit.
Eske salaiyq, 21 jastaǵy pavlodarlyq oblys ákimdigi mańynda ornatylǵan Abai eskertkishine jumyrtqa men dárethana qaǵazyn laqtyrǵan bolatyn. Ol muny qurbysymen janjaldasyp qalǵannan keiin ashýǵa berilip jasaǵanyn aitty. Jigit sol kezde mas bolǵanyn moiyndady.
Politsiia qyzmetkerleri ustalǵan adamǵa QR ÁQBtK-niń 434-baby "Usaq buzaqylyq" boiynsha ákimshilik material toltyryp, sotqa joldady.
Oǵan qosa, jigitke QR ÁQBtK-niń 440-baby boiynsha qoǵamdyq orynda mas kúide bolǵany úshin bes ailyq eseptik kórsetkishpen aiyppul salyndy.
