مەملەكەتتٸك تٸلدٸ بالا كەزٸنەن جەتٸك بٸلەتٸن ناتاليا ساحاروۆا قازاقتىڭ سالت-دەستٷرٸن دە جاقسى بٸلەدٸ, دەپ حابارلايدى "ۇلت اقپارات" Pavlodarnews.kz سايتىنا سٸلتەمە جاساپ.
- مەن باياناۋىل اۋدانى بٸرلٸك اۋىلىندا ٶستٸم. بالا كەزٸمنەن قازاق تٸلٸن بٸلەمٸن. وتباسىمىزدا 5 قىز. بارلىعىمىز قازاقشا سٶيلەسەمٸز. ۇلتىم ورىس بولسا دا ٶز ەلٸمنٸڭ تٸلٸن, دٸنٸن, سالتىن قۇرمەتتەيمٸن. قازاق حالقى قوناقجايلىلىعىمەن تانىلعان. بٸز دە سودان قالىس قالمايمىز. كەز كەلگەن مەرەكەدە قوناق شاقىرىپ, ەت اسىپ, باۋىرساق پٸسٸرەمٸز. ناۋرىز كٶجەنٸ دە جىل سايىن دايىندايمىن, - دەيدٸ ناتاليا ساحاروۆا.
ناتاليا ساحاروۆا دامير ەسٸمدٸ ۇلىن تەربيەلەپ وتىر. ۇلى دا قازاق تٸلٸن مەڭگەرٸپ كەلەدٸ. ناتاليانىڭ ايتۋىنشا, قازاق تٸلٸن وڭاي ٷيرەنۋ ٷشٸن تٸلدٸ بٸلەتٸن ادامدارمەن ارالاسۋ كەرەك.
- مەن ٶزٸم 7 جاسىمنان قازاق تٸلٸندە سٶيلەپ كەلە جاتىرمىن. مەكتەپتٸ قازاقشا وقىپ, بٸتٸردٸم. قازاق بالالارمەن ارالاسقاننىڭ, جيٸ سٶيلەسكەننٸڭ ارقاسىندا تٸلدٸ جەڭٸل مەڭگەردٸم دەپ ويلايمىن, - دەدٸ ناتاليا ساحاروۆا.
ناتاليانىڭ ماماندىعى ەرەكشە. ول KSP Steel كومپانيياسىندا كران ماشينيسٸ بولىپ جۇمىس جاسايدى. بۇل سالادا قىزمەت اتقارىپ كەلە جاتقانىنا 4 جىل بولعان.
- ٶندٸرٸستە جۇمىس جاساۋ باس كەزٸندە قيىن بولعانمەن, كەيٸن ماشىقتانىپ, ٷيرەنٸپ كەتەسٸڭ. جۇمىس اۋىر ەمەس. وقىپ, ٷيرەنٸپ الدىم. بۇل ماماندىقتى ەپكە-سٸڭلٸلەرٸمە ايتقان كەزدە ولار قارسى بولدى. مەنٸڭ دوستارىم, سىنىپتاستارىم ەلٸ تاڭ قالادى. كران ماشينيسٸ بولىپ جۇمىس جاسايمىن دەسەم, كەيبٸرٸ قالجىڭداپ وتىر دەپ ويلايدى, - دەيدٸ ناتاليا ساحاروۆا.
كەيٸپكەرٸمٸز جۇمىستىڭ اق-قاراسى بولمايتىنىن ايتادى. باستىسى, ادال ەڭبەك اتقارۋ. ٶندٸرٸستٸك ورىنداردا نەزٸك جاندىلار اتقاراتىن جۇمىس كٶپ. ناتاليا ٶزٸنٸڭ قىزى بولسا, ٶندٸرٸستٸك ورىندا جۇمىس جاساۋىنا قارسى بولمايتىنىن ايتادى.
