پاۆلودار وبلىسىندا جٷك كٶلٸگٸ كٶپٸردٸڭ تٸرەگٸن بۇزىپ, قۇرىلىمنىڭ بٸر بٶلٸگٸ كٶلٸكتٸڭ ٷستٸنە قۇلادى, دەپ حابارلايدى "ۇلت اقپارات".
«وقيعا ورنىنا كەلگەن پوليتسەيلەر ساعات 22:20-دا 42 جاستاعى «Shacman» ماركالى كٶلٸكتٸڭ جٷرگٸزۋشٸسٸ پاۆلودارعا قاراي تاسجولمەن كەلە جاتىپ, كٶلٸك قوزعالىسىنىڭ قاۋٸپسٸزدٸگٸنە كٶز جەتكٸزبەي, كۋزوۆىمەن كٶپٸردٸڭ تٸرەگٸن سوققان. وقيعا سالدارىنان كٶپٸردٸڭ بٸر بٶلٸگٸ قيرادى», - دەپ حابارلادى پاۆلودار وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
پاۆلودار-قىزىلوردا تاسجولىنىڭ 42-شٸ شاقىرىمىندا بولعان جول-كٶلٸك وقيعاسى تۋرالى حابار اقسۋ قالالىق كەزەكشٸلٸك بٶلٸمٸنە 23 تامىز كٷنٸ كەشكٸ ساعات 22:46-دا تٷسكەن.
«انىقتالعانداي, بۇدان بۇرىن جٷرگٸزۋشٸ شەكاراشى اۋىلىندا سالىنىپ جاتقان كٶپٸر ماڭىندا قۇم تٷسٸرگەن. كەيٸن كٶلٸك قۇرالىنىڭ كۋزوۆىن تٷسٸرمەي, جولعا شىعىپ كەتكەن», - دەدٸ دەپارتامەنتتٸڭ باسپاسٶز حاتشىسى جاننا بەليالوۆا.
اپات سالدارىنان ەشكٸم زارداپ شەككەن جوق. مەديتسينالىق قورىتىندى بويىنشا, جٷرگٸزۋشٸ ماس بولماعان.
«اتالعان فاكتٸ بويىنا جٷرگٸزۋشٸنٸڭ ٷستٸنەن قر ەكٸمشٸلٸك قۇقىق بۇزۋشىلىق تۋرالى كودەكستٸڭ 610-بابى «كٶلiك جٷرگiزۋشiلەرٸنiڭ جول جٷرٸسٸ قاعيدالارىن ادامداردىڭ دەنساۋلىعىنا زييان كەلتiرۋگە, كٶلiك قۇرالدارىنىڭ نەمەسە ٶزگە دە مٷلiكتiڭ بٷلٸنۋٸنە الىپ كەلگەن بۇزۋشىلىعى» بويىنشا ەكٸمشٸلٸك ٶندٸرٸس قوزعالدى. ماتەريال سوتقا جٸبەرٸلدٸ», - دەپ اتاپ ٶتتٸ پوليتسييا.
