© Pixabay / Klaus Hausmann
قازاقستاننىڭ ەكٸ وبلىسىندا ادامدى زاڭسىز باس بوستاندىعىنان ايىرۋ قىلمىسى انىقتالدى, دەپ حابارلايدى Sputnik قازاقستان.
اباي وبلىسىندا پوليتسيياعا كەلگەن ەيەل اعاسىنىڭ جوعالىپ كەتكەنٸن حابارلاعان. 50 جاستاعى ەر ادامنىڭ پسيحيكالىق اۋىتقۋلارى بار ەكەنٸ دە بەلگٸلٸ بولدى. ۇيىمداسقان قىلمىسقا قارسى كٷرەس باسقارماسىنىڭ ماماندارى بٸردەن ٸزدەۋ شارالارىنا كٸرٸسٸپ, ەكٸ ەر ادامدى ۇستادى. ولار جوعالعان سەمەي تۇرعىنىن الداپ, ۇيالى تەلەفونىن الىپ قويعان. كەيٸننەن 200 شاقىرىم جەردەگٸ شارۋا قوجالىعىنا اپارىپ تاستاعان. سول جەردە جۇمىسقا جەككەن. وسىلايشا, زارداپ شەككەن ەر ادامدى ەكٸ اپتا بويى ۇستاعان.
قازٸرگٸ كەزدە قىلمىستىق كودەكستٸڭ 128-بابى (ادام ساۋداسى) بويىنشا سوتقا دەيٸنگٸ تەرگەۋ امالدارى باستالدى.
پاۆلودار وبلىسىندا دا وسىعان ۇقساس قىلمىس انىقتالدى.
36 جاستاعى ەر ادامدى بەيتانىس بٸرەۋلەر قورقىتىپ, ورمانداعى اڭشىلار ٷيٸنە اپارىپ تاستاعان. سول جەردە ەكٸ جىل بويى زاڭسىز جۇمىسقا جەككەن. زارداپ شەككەن ەر ادام تۋعان-تۋىستارىنا قايتارىلدى. قىلمىستىق ٸس قوزعالدى.
ايتا كەتەرٸ, وسى قىلمىس ٷشٸن 4 جىلدان 7 جىلعا دەيiنگi مەرزiمگە باس بوستاندىعىنان ايىرۋ جازاسى قاراستىرىلعان. ال ادامدار توبىمەن الدىن الا سٶز بايلاسۋمەن جاسالعان ەرەكەت ٷشٸن 7 جىلدان 9 جىلعا دەيiن باس بوستاندىعىنان ايىرۋ جازاسى بار. كٸنەلٸ ادامداردىڭ مٷلكٸ تەركٸلٸنەدٸ.
