پاۆلودار وبلىسىندا پنەۆماتيكالىق قارۋدان جاراقات العان 15 جاستاعى جاسٶسپٸرٸم كٶزٸنە تيگەن وقپەن ٶمٸر سٷرەتٸن بولادى. بۇل تۋرالى ٶڭٸرلٸك كوممۋنيكاتسييالار قىزمەتٸندە ٶتكەن باسپاسٶز مەسليحاتىندا مەلٸم بولدى, دەپ حابارلايدى "ۇلت اقپارات" pavlodarnews.kz سايتىنا سٸلتەمە جاساپ.
«اققۋلى اۋدانىنان ناۋقاستىڭ جەتكٸزٸلگەنٸنە تٶرت تەۋلٸك ٶتتٸ. جەدەل تٷردە كٶمەك كٶرسەتٸلدٸ. ٶكٸنٸشكە قاراي, وق جاراقاتى سالدارىنان ول سول جاق كٶزٸنەن ايىرىلىپ قالدى. الماتى كٶز اۋرۋلارى عىلىمي زەرتتەۋ ينستيتۋتىمەن بايلانىسقا شىقتىق. وتا وبلىستىق اۋرۋحانانىڭ دەرٸگەرلەرٸمەن تٷندە جاسالدى. جوسپارلى ەمدەۋ جٷرگٸزٸلۋدە. قازٸرگٸ تاڭدا جاعدايى قاناعاتتانارلىق دەپ باعالانۋدا», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى وراز مۇقاشەۆ.
باسقارما باسشىسىنىڭ ايتۋىنشا, بالانىڭ كٶزٸنە ەنگەن وق الىنبايتىن بولىپ شەشٸلدٸ. سەبەبٸ ول تەرەڭدە ورنالاسقان جەنە قان كەتۋ قاۋپٸ تىم جوعارى.
«جاسٶسپٸرٸم كٶرۋ قابٸلەتٸنەن جاراقات العان كەزدە-اق ايىرىلعان. سوندىقتان, تەك جوسپارلى تٷردە كٶزگە ەنۋكلەاتسييا (كٶز الماسىن الىپ تاستاۋ) جاسالادى», - دەدٸ ول.
وبلىستىق پوليتسييا دەپارتامەنتٸنٸڭ اقپاراتىنا سەيكەس, 30 ناۋرىز كٷنٸ اققۋلى اۋدانىنىڭ شارباقتى اۋىلىندا 18 جاستاعى جٸگٸت كٶلدٸڭ جاعاسىنان يج-38 پنەۆماتيكالىق قارۋىن تاۋىپ الىپ, ٷيدٸڭ قاقپاسىنا اتقان. بٸراق وق مەتالل ەسٸككە جاناي تيٸپ, جانىندا تۇرعان ٶزگە بالاعا - 2004 جىلعى جاسٶسپٸرٸمگە تيگەن. ول كٶزٸنە العان جاراقاتپەن وبلىستىق بالالار اۋرۋحاناسىنىڭ وفتالمولوگييا بٶلٸمشەسٸنە جەتكٸزٸلدٸ.
دەرٸگەرلەر بٶگدە زاتتى كٶزدەن الىپ تاستاۋ ماقساتىندا ماگنيتتٸڭ كٶمەگٸمەن جەدەل وتا جاسادى.
اتالعان فاكتٸ اققۋلى اۋدانىنىڭ پوليتسييا بٶلٸمشەسٸندە تٸركەلگەن. قر قك-نٸڭ 107-بابى, 1-بٶلٸگٸ («دەنساۋلىققا ورتاشا دەڭگەيدە قاساقانا زييان كەلتٸرۋ») بويىنشا سوتقا دەيٸنگٸ تەرگەۋ جٷرگٸزٸلۋدە.
