فوتو: Liter.kz
قازاقستان رەسپۋبليكاسىنىڭ تەۋەلسٸزدٸك كٷنٸنە وراي بٸرقاتار جٷرگٸزۋشٸلەر كٶلٸكتەرٸن مەملەكەتتٸك تۋمەن بەزەندٸرٸپ, جولعا شىققان. وسىعان بايلانىستى ٸشكٸ ٸستەر مينيسترلٸگٸ جول قوزعالىسىنا قاتىسۋشىلارعا قاۋٸپسٸزدٸك تالاپتارىن قاتاڭ ساقتاۋعا شاقىردى, دەپ حابارلايدى Ult.kz.
ٸٸم مەلٸمەتٸنشە, كٶلٸككە مەملەكەتتٸك تۋدى ورنالاستىرعانى ٷشٸن زاڭنامادا جاۋاپكەرشٸلٸك قاراستىرىلماعان. الايدا مەرەكەلٸك ٸس-شارالار كەزٸندە كەيبٸر ازاماتتار جول قوزعالىسى ەرەجەلەرٸن بۇزىپ, ٶزگە جٷرگٸزۋشٸلەرگە كەدەرگٸ كەلتٸرٸپ, كٶشەلەردٸ ۋاقىتشا جاۋىپ تاستاعان. مۇنداي جاعدايلاردا پوليتسييا قىزمەتكەرلەرٸ زاڭ تالاپتارىنا سەيكەس شارا قولدانۋعا مەجبٷر بولعان.
مەسەلەن, 16 جەلتوقساندا شىمكەنت پەن الماتى قالالارىندا جول ەرەجەلەرٸن بۇزعان, كٶلٸكتەرٸنە تۋ ٸلگەن بٸرنەشە جٷرگٸزۋشٸ توقتاتىلعان. تەكسەرۋ بارىسىندا ولاردىڭ كەيبٸرٸ كٶلٸكتٸ باسقارۋ قۇقىعىنسىز جٷرگٸزگەنٸ, اپاتتىق جاعداي تۋعىزعانى جەنە كٶلٸكتٸ زاڭسىز جابدىقتاعانى انىقتالىپ, ەكٸمشٸلٸك جاۋاپكەرشٸلٸككە تارتىلدى. ٸٸم بۇل شارالاردىڭ مەملەكەتتٸك تۋدى پايدالانۋعا قاتىسى جوق ەكەنٸن اتاپ ٶتتٸ.
سونىمەن قاتار الماتى قالاسىندا پوليتسييا قىزمەتكەرلەرٸ شارلارمەن بەزەندٸرٸلگەن قوعامدىق كٶلٸككە قاتىستى تٷسٸندٸرۋ جۇمىستارىن جٷرگٸزٸپ, ونىڭ ادام ٶمٸرٸ مەن دەنساۋلىعىنا قاۋٸپتٸ ەكەنٸن ەسكەرتكەن. كٶلٸكتٸ زاڭسىز توقتاتۋعا بايلانىستى دەرەكتەر دە تەكسەرٸلٸپ جاتىر. كٸنەلٸ قىزمەتكەرلەر تەرتٸپتٸك جاۋاپكەرشٸلٸككە تارتىلادى.
ٸٸم ازاماتتاردى مەملەكەتتٸك رەمٸزدەرگە قۇرمەتپەن قاراپ, جول قوزعالىسى ەرەجەلەرٸن ساقتاۋعا جەنە تەك رەسمي اقپارات كٶزدەرٸنە سەنۋگە شاقىردى.
