پرەزيدەنت حالىق قاۋٸپسٸزدٸگٸ مەن مەملەكەت مٷددەسٸ بەرٸنەن بيٸك ەكەندٸگٸن ٶز ٸسٸمەن دەلەلدەدٸ. بۇل تۋرالى مەجٸلٸس تٶراعاسى ەرلان قوشانوۆ مەلٸم ەتتٸ, دەپ حابارلايدى قازاقپارات.
«مەملەكەت باسشىسى قاسىم-جومارت كەمەلۇلى توقاەۆ ايتقان «جاڭا قازاقستان» قۇرۋ جولىندا پارلامەنتكە ارتىلار جٷك تە, جٷكتەلەر جاۋاپكەرشٸلٸك تە ٶتە زور. سوندىقتان وسىناۋ سىندارلى كەزەڭدە حالىق سەنٸمٸنەن شىعىپ, پرەزيدەنت باستامالارىن بارىنشا قولداۋ – بٸزدٸڭ باستى مٸندەت. سايلاۋشىلار تاراپىنان دەپۋتاتتارعا قويىلاتىن تالاپ قاشان دا جوعارى ەكەندٸگٸن ٶزدەرٸڭٸز بٸلەسٸزدەر. ەسٸرەسە, كەشەگٸ قاڭتار وقيعالارى – بٷكٸل ەلٸمٸز ٷشٸن ٷلكەن سىن بولدى. كٷن تەرتٸبٸندە تەۋەلسٸزدٸگٸمٸز مەن مەملەكەتٸمٸزدٸڭ تۇتاستىعىن ساقتاپ قالۋ مەسەلەسٸ تۇردى. ەلدٸگٸمٸزگە قاۋٸپ تٶنگەن وسى سىن ساعاتتا مەملەكەت باسشىسى بارلىق جاۋاپكەرشٸلٸكتٸ ٶزٸنە الىپ, باتىل شەشٸمدەر قابىلدادى. پرەزيدەنت حالىق قاۋٸپسٸزدٸگٸ مەن مەملەكەت مٷددەسٸ بەرٸنەن بيٸك ەكەندٸگٸن ٶز ٸسٸمەن دەلەلدەدٸ», - دەدٸ قوشانوۆ مەجٸلٸستٸڭ جالپى وتىرىسىندا.
وسى ورايدا مەجٸلٸس تٶراعاسى بٸرٸنشٸ كەزەكتە, پارلامەنت جۇمىسىنىڭ اشىقتىعىن قامتاماسىز ەتۋ قاجەت ەكەنٸن اتاپ ٶتتٸ. حالىق سايلاعان دەپۋتاتتار – ەڭ الدىمەن, ٶز سايلاۋشىلارىنا جاقىن بولۋ كەرەك.
«قوعامنىڭ ٷنٸن ەستٸپ, حالىقتىڭ تٸلٸن تٷسٸنۋ جەنە دەر كەزٸندە شارالار قابىلداۋ – كەز كەلگەن كەلەڭسٸزدٸكتٸڭ الدىن الۋدىڭ نەگٸزگٸ العىشارتى ەكەنٸ تٷسٸنٸكتٸ. سوندىقتان الداعى ۋاقىتتا, دەپۋتاتتار كورپۋسىنىڭ ازاماتتىق سەكتورمەن, بۇقارالىق اقپارات قۇرالدارى ٶكٸلدەرٸمەن, ەسٸرەسە, ٶڭٸرلەردەگٸ قوعام بەلسەندٸلەرٸمەن تىعىز بايلانىسىن ودان ارى جانداندىراتىن بولامىز. بۇل – پرەزيدەنت بەكٸتكەن «حالىق ٷنٸنە قۇلاق اساتىن مەملەكەت» قاعيداسىن نەتيجەلٸ جٷزەگە اسىرۋدىڭ دا باستى ۇستانىمى. الدىمىزعا قويىلعان جاڭا مٸندەتتەردٸ تابىستى ورىنداۋ ٷشٸن ازاماتتىق قوعاممەن قاتار, مەملەكەتتٸك ورگانداردىڭ بارلىق تارماقتارىمەن, سونىڭ ٸشٸندە, سەناتپەن, ٷكٸمەتپەن, سوت سالاسىمەن ٶزارا تىعىز ىنتىماقتاستىقتا جۇمىس ٸستەيمٸز», - دەدٸ ول.
