فوتو: Gov.kz
پارلامەنت «الاتاۋ قالاسىنىڭ ارناۋلى مەرتەبەسٸ تۋرالى» كونستيتۋتسييالىق زاڭدى بٸرٸنشٸ وقىلىمدا ماقۇلدادى. قۇجات قالادا ەرەكشە قۇقىقتىق جەنە ەكونوميكالىق رەجيم ەنگٸزۋدٸ كٶزدەيدٸ, دەپ حابارلايدى Ult.kz.
الاتاۋدا تسيفرلىق اكتيۆتەردٸ, سونىڭ ٸشٸندە كريپتوبيرجا مەن توكەنيزاتسييانى رەتتەۋ مٷمكٸندٸگٸ قاراستىرىلادى. بۇل باعىتتا ارنايى قۇقىقتىق رەجيمدەر ەنگٸزٸلۋٸ مٷمكٸن.
سالىقتىق جەڭٸلدٸكتەر تەك باسىم سالالارداعى جاڭا ينۆەستيتسييالىق جوبالارعا بەرٸلەدٸ. جوبالار ەكونوميكالىق جەنە ەلەۋمەتتٸك تيٸمدٸ بولۋى, قالانىڭ ستراتەگييالىق قۇجاتتارىنا سەيكەس كەلۋٸ, ەكسپورتقا باعىتتالۋى, يننوۆاتسييالىق سيپاتى بولۋى جەنە ەكولوگييالىق تالاپتارعا ساي كەلۋٸ تيٸس. بارلىق جەڭٸلدٸكتەر مەن ينۆەستور مٸندەتتەمەلەرٸ اشىق جارييالانادى.
قالادا "Alatau City Authority" اتتى جاڭا مەملەكەتتٸك ورگان قۇرىلىپ, رەسپۋبليكالىق بيۋدجەتتٸك باعدارلامالاردى دەربەس باسقارادى. بۇل قاراجات ينفراقۇرىلىمدى دامىتۋعا جەنە ۇزاق مەرزٸمدٸ جوبالاردى ٸسكە اسىرۋعا باعىتتالادى. ال جەرگٸلٸكتٸ بيۋدجەت ەلەۋمەتتٸك جەنە اعىمداعى شىعىنداردى قارجىلاندىرادى.
ۆيتسە-پرەمەر قانات بوزىمباەۆتىڭ ايتۋىنشا, الاتاۋ ٶزٸن-ٶزٸ قامتاماسىز ەتكەنگە دەيٸن باسقا بيۋدجەتتەرگە قارجى اۋدارمايدى. جوبالاردى ٸرٸكتەۋ مەن قارجىلاندىرۋ تەرتٸبٸن ارنايى كەڭەس بەكٸتەدٸ.
قالا «Digital by default» قاعيداتى نەگٸزٸندە داميدى. ياعني, بارلىق نەگٸزگٸ قىزمەتتەر تسيفرلىق فورماتتا جٷزەگە اسادى. سونىمەن قاتار بايلانىس, جاساندى ينتەللەكت, روبوت تەحنيكاسى جەنە اۆتونومدى كٶلٸك سالالارىندا ەكسپەريمەنتالدى قۇقىقتىق رەجيم ەنگٸزۋ جوسپارلانىپ وتىر.
ساراپشىلاردىڭ بولجامىنشا, جوسپار تولىق جٷزەگە اسسا, 2050 جىلعا قاراي الاتاۋ قالاسىنىڭ ٶڭٸرلٸك جالپى ٶنٸمٸ 50 ملرد اقش دوللارىنا جەتۋٸ مٷمكٸن.
قۇجات ەكٸنشٸ وقىلىمعا دەيٸن ەلٸ دە تالقىلانادى.
