Foto: Gov.kz
Parlament «Alataý qalasynyń arnaýly mártebesi týraly» konstitýtsiialyq zańdy birinshi oqylymda maquldady. Qujat qalada erekshe quqyqtyq jáne ekonomikalyq rejim engizýdi kózdeidi, dep habarlaidy Ult.kz.
Alataýda tsifrlyq aktivterdi, sonyń ishinde kriptobirja men tokenizatsiiany retteý múmkindigi qarastyrylady. Bul baǵytta arnaiy quqyqtyq rejimder engizilýi múmkin.
Salyqtyq jeńildikter tek basym salalardaǵy jańa investitsiialyq jobalarǵa beriledi. Jobalar ekonomikalyq jáne áleýmettik tiimdi bolýy, qalanyń strategiialyq qujattaryna sáikes kelýi, eksportqa baǵyttalýy, innovatsiialyq sipaty bolýy jáne ekologiialyq talaptarǵa sai kelýi tiis. Barlyq jeńildikter men investor mindettemeleri ashyq jariialanady.
Qalada "Alatau City Authority" atty jańa memlekettik organ qurylyp, respýblikalyq biýdjettik baǵdarlamalardy derbes basqarady. Bul qarajat infraqurylymdy damytýǵa jáne uzaq merzimdi jobalardy iske asyrýǵa baǵyttalady. Al jergilikti biýdjet áleýmettik jáne aǵymdaǵy shyǵyndardy qarjylandyrady.
Vitse-premer Qanat Bozymbaevtyń aitýynsha, Alataý ózin-ózi qamtamasyz etkenge deiin basqa biýdjetterge qarjy aýdarmaidy. Jobalardy irikteý men qarjylandyrý tártibin arnaiy keńes bekitedi.
Qala «Digital by default» qaǵidaty negizinde damidy. Iaǵni, barlyq negizgi qyzmetter tsifrlyq formatta júzege asady. Sonymen qatar bailanys, jasandy intellekt, robot tehnikasy jáne avtonomdy kólik salalarynda eksperimentaldy quqyqtyq rejim engizý josparlanyp otyr.
Sarapshylardyń boljamynsha, jospar tolyq júzege assa, 2050 jylǵa qarai Alataý qalasynyń óńirlik jalpy ónimi 50 mlrd AQSh dollaryna jetýi múmkin.
Qujat ekinshi oqylymǵa deiin áli de talqylanady.
