فوتو: Elsa/Getty Images
قازاقستان قۇراماسى ٷشٸن پاريجدەگٸ XVII پاراليمپيادا ويىندارى كەرەمەت نەتيجەلەرمەن اياقتالدى. سپورتشىلار ەل قورجىنىنا توعىز مەدال سالىپ, توكيوداعى بۇرىنعى كٶرسەتكٸشتەرٸن جاڭارتتى.
ەرەكشە كٶزگە تٷسكەن سپورتشىلاردىڭ بٸرٸ – پاۋەرليفتينگتەن 54 كەلٸ سالماقتا ٶنەر كٶرسەتكەن داۆيد دەگتيارەۆ. ول 188 كەلٸنٸ كٶتەرٸپ, التىن مەدال جەڭٸپ الدى, وسىلايشا ەكٸ دٷركٸن پاراليمپيادا چەمپيونى اتانىپ, قازاقستان تاريحىنا ەندٸ.
پارادزيۋدودان دا قازاقستان سپورتشىلارى ٷلكەن تابىستارعا جەتتٸ. اقمارال ناۋاتبەك 48 كەلٸ سالماقتا چەمپيوندىق اتاققا قول جەتكٸزدٸ. سونىمەن قاتار, ەرعالي شامەي كٷمٸس, ال دايانا فەدوسوۆا, زارينا رايفوۆا جەنە جۇرقامىرزا شٷكٸربەكوۆ قولا مەدالدەردٸ يەلەندٸ.
نىسانا كٶزدەۋدەن ەركٸن عابباسوۆ كٷمٸس مەدال الىپ, جٷزۋدەن نۇردەۋلەت جۇماعالي دە كٷمٸس جەڭٸپ الدى. جەڭٸل اتلەتيكادان داستان مۇقاشبەكوۆ قول مەدالدٸ يەلەندٸ.
وسىلايشا, قازاقستاننىڭ پاراليمپيادالىق قۇراماسى جالپى توعىز مەدالگە قول جەتكٸزٸپ, بۇرىنعى رەكوردتارىن جاڭارتتى.
