فوتو: مەدەنيەت جەنە اقپارات مينيسترلٸگٸ
پاريجدە يۋنەسكو-نىڭ شتاب-پەتەرٸندە بەلگٸلٸ جازۋشى, قازاق بالالار ەدەبيەتٸنٸڭ كلاسسيگٸ بەردٸبەك سوقپاقباەۆتىڭ 100 جىلدىعىنا ارنالعان كونفەرەنتسييا ٶتتٸ. ٸس-شارا اياسىندا «مەنٸڭ اتىم قوجا» كٸتابىنىڭ فرانتسۋز تٸلٸنە اۋدارىلعان نۇسقاسىنىڭ تۇساۋكەسەرٸ ۇيىمداستىرىلدى, دەپ حابارلايدى Ult.kz مەدەنيەت جەنە اقپارات مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
كونفەرەنتسيياعا يۋنەسكو باس ديرەكتورىنىڭ ورىنباسارى ەرنەستو وتتونە, قازاقستان رەسپۋبليكاسى مەدەنيەت جەنە اقپارات مينيسترلٸگٸنٸڭ ارحيۆ, قۇجاتتاما جەنە كٸتاپ ٸسٸ كوميتەتٸنٸڭ تٶراعاسى رۋستام ەلي, قازاقستان جازۋشىلار وداعىنىڭ تٶراعاسى مەرەكە قۇلكەنوۆ جەنە تٷركسوي حالىقارالىق ۇيىمىنداعى قازاقستان ٶكٸلٸ باقىتجان ومار قاتىستى.
فوتو: مەدەنيەت جەنە اقپارات مينيسترلٸگٸ
قاتىسۋشىلار بەردٸبەك سوقپاقباەۆ كٸتابىنىڭ اۋدارماسى فرانتسۋز وقىرماندارىنا قازاق مەدەنيەتٸن تانىتىپ, قازاقستان حالقىنىڭ باي دەستٷرلەرٸ مەن قۇندىلىقتارىن اشاتىنىنا سەنٸم بٸلدٸردٸ.
بەردٸبەك سوقپاقباەۆتىڭ 100 جىلدىعىنىڭ يۋنەسكو-نىڭ اتاۋلى داتالار كٷنتٸزبەسٸنە ەنگٸزٸلۋٸ ونىڭ ەلەمدٸك مەدەنيەتكە قوسقان ٷلەسٸنٸڭ ماڭىزدىلىعىن كٶرسەتەدٸ. 1952 جىلدان باستاپ قازاقستان جازۋشىلار وداعىنىڭ مٷشەسٸ بولعان قالامگەر كٶزٸ تٸرٸسٸندە-اق قازاق بالالار ەدەبيەتٸنٸڭ كلاسسيگٸ رەتٸندە تانىلدى. بالالاردىڭ عانا ەمەس, ەرەسەكتەردٸڭ دە سٷيٸكتٸ جازۋشىسىنا اينالعان ونىڭ شىعارماشىلىعى ۇرپاق تەربيەسٸندە ەلٸ كٷنگە ٶزەكتٸلٸگٸن جويماي كەلەدٸ.
قازاقستان تاراپى يۋنەسكو-عا ٸس-شارانى ۇيىمداستىرۋداعى قولداۋى ٷشٸن العىس بٸلدٸرٸپ, قازاق حالقىنىڭ مۇراسىن حالىقارالىق ارەنادا ناسيحاتتايتىن مەدەني ٸس-شارالاردىڭ ماڭىزدىلىعىن اتاپ ٶتتٸ.
فوتو: مەدەنيەت جەنە اقپارات مينيسترلٸگٸ
