فوتو:sport24.ru
قازٸر ەلەم نازارى پاريجدە ٶتٸپ جاتقان وليمپيادا ويىندارىندا ەكەنٸ راس. سپورتتاعى كٸل مىقتىلار جينالاتىن دٷبٸرلٸ دودانىڭ اياقتالۋىنا دا ەكٸ-اق كٷن قالدى. وسى ۋاقىتتا ەر سپورت سٷيەر قاۋىمنىڭ ٶز سٷيٸكتٸ سپورتشىسى, ەر سپورتشىنىڭ ٶز جانكٷيەرٸ قالىپتاسىپ ٷلگەردٸ. سايىسكەرلەردٸڭ اراسىندا ەرەكشە وبرازدارى مەن حاريزماسىمەن, باسقا دا قىزىقتى سەتتەرمەن كٶزگە تٷسٸپ, حالىقتىڭ گٷبٸر-گٷبٸر ەڭگٸمەسٸنە ارقاۋ بولعاندارى بار.
قارا نەسٸلدٸ ەنشٸ
پاريج ٶز ستيلٸندە وليمپيادانىڭ اشىلۋ سالتاناتىن سەنا ٶزەنٸندە رومانتيكاعا, سەن-سالتاناتقا تولتىرىپ ٶتكٸزدٸ.
الايدا فرانتسييا حالقىنىڭ اراسىندا پاريج وليمپياداسىنىڭ اشىلۋ سالتاناتىندا باستى جۇلدىز بولىپ, ەن سالعان ايا ناكامۋراعا قارسىلار دا از بولعان جوق. ونىڭ تٷپكٸلٸكتٸ فرانتسۋز ەمەس, شىعۋ تەگٸ افريكالىق قارا نەسٸلدٸ بولۋى داۋدىڭ باستى سەبەبٸنە اينالدى.
فرانتسييانى دٷنيە جٷزٸنە ٶز ەندەرٸمەن تانىتىپ جٷرگەن ناكامۋرا بەرٸبٸر دە وليمپيادا تٶرٸندە ٶنەر كٶرسەتتٸ.
فوتو: Franck Castel/Starface via ZUMA / تاسس
جۇمىرتقا داۋى
وليمپيادا ويىندارى باستالا سالىسىمەن سپورتشىلارعا ارنالعان اسحانادان شۋ شىقتى. بريتاندىق سپورتشىلار جۇمىرتقا جەگٸلەرٸ كەلەتٸنٸن, بٸراق اسحانادا جۇمىرتقا جوق ەكەنٸنە نارازى بولدى. سودان انىقتالا كەلە وليمپيادا قالاشىعىندا بٸراز ازىق-تٷلٸك جەتٸسپەيتٸنٸ انىقتالعان.
ەكٸمشٸلٸك سپورتشىلاردان كەشٸرٸم سۇراپ, ولقىلىقتىڭ ورنىن تولتىرۋعا ۋەدە بەردٸ.
وليمپياداعا قاتىسقان ەڭ جاس جەنە ەڭ جاسى ٷلكەن سپورتشىلار
بيىل پاريجدەگٸ جازعى وليمپيادا ويىندارىنىڭ ەڭ جاس قاتىسۋشىسى 11 جاستاعى قىتايلىق چجەن حاوحاو بولدى. تامىزدا 12 جاسقا تولاتىن جەتكٸنشەك سكەيتبورت تۋرنيرٸنەن سىنعا تٷسٸپتٸ.
چجەن جازعى وليمپيادا ٸرٸكتەۋٸندە 51,73 ۇپاي جيناپ, 44 قاتىسۋشى ٸشٸندە 20-ورىن العان.
فوتو:Getty Images via AFP
ال وليمپياداداعى ەڭ ەگدە سپورتشىنىڭ جاسى – 65-تە. ول - يسپانييالىق شاباندوز حۋان انتونيو حيمەنەس. قارت سايىسكەر ات سپورتىنان قاتىسىپ جاتىر ەكەن.
فوتو:ANCCE1 / youtube.com
وليمپيادادا سٶز سالۋ
پاريج تەك سپورتتىڭ قالاسى ەمەس, رومانتيكانىڭ, ماحابباتتىڭ استاناسى ەكەنٸن قىتايلىق سپورتشىلار ەسكە تٷسٸردٸ. وليمپيادانىڭ التىن مەدالٸن يەلەنگەن قىتاي بادمينتونشىسى حۋان ياتسيۋن سەرٸكتەسٸ چجەن سىۆەي ەكەۋٸنٸڭ ماراپاتى بٸتكەننەن كەيٸن, قىتاي قۇراماسىنىڭ مٷشەسٸ, توكيو وليمپياداسىنىڭ كٷمٸس جٷلدەگەرٸ ليۋ يۋيچەن بادمينتونشى ياتسيۋنعا تٸزەرلەپ تۇرىپ, ۇسىنىس جاسادى.
فوتو: سhina-news-online.com
فرانتسييالىق جەڭٸلاتلەت اليس فينو دا عاشىقتار قالاسىندا سٷيٸكتٸسٸنە سٶز سالدى. ول "مەرە سىزىعىن كەسكەننەن كەيٸن كٶپ كٷتپەي ٶزٸم ۇسىنىس جاسايىن دەپ شەشتٸم" دەيدٸ. ول مەرەگە تٶرتٸنشٸ بولىپ كەلدٸ.
ول ٶز سۇحباتىندا "توعىز مينۋتتىڭ ٸشٸندە جٷگٸرٸپ شىقسام سٶز سالامىن دەدٸم. توعىز دەگەن ماعان سەتتٸلٸك ەكەلەتٸن سان. بٸز توعىز جىلدان بەرٸ بٸرگەمٸز. "پاريجدەگٸ ماحاببات" دەپ جازىلعان ٸلگەكتٸ سىيلادىم", – دەدٸ سپورتشى.
فوتو: Hannah Peters/Getty
جەڭٸلٸستٸڭ كٶز جاسى
ەشقاشان جەڭٸلٸپ كٶرمەگەن جاپون دزيۋدوشىسى ۋتا ابە ٶزبەكستاندىق ديورا كەلديوروۆادان جەڭٸلٸپ قالعاننان كەيٸن كٶز جاسىنا ەرٸك بەرٸپ, ەڭٸرەپ جىلادى. ال ونىڭ قارسىلاسى كەلديوروۆا ٶز جەڭٸسٸن ٶزبەك ەيەلدەرٸنە ارنادى.
ابە ەلەمدٸك رەيتينگتە بٸرٸنشٸ ورىندا تۇرعان, توكيو وليمپياداسىنىڭ چەمپيونى. ول وسى وليمپيادانىڭ باستى فاۆوريتٸ سانالعان ەدٸ. جاپوندىق دزيۋدوشىنىڭ جەڭٸلٸستٸ قالاي اۋىر قابىلداعانى دٷيٸم جۇرتتىڭ نازارىن اۋداردى. ونىڭ ەڭٸرەپ جىلاعان داۋىسى تٸپتٸ شۋلى زالدى ٶزٸنە قاراتتى.
فوتو: Dok. Twitter Paris Olympics
«كيللەر» سپورتشى
51 جاستاعى يۋسۋف ديكەچ پاريج وليمپياداسىندا پنەۆاماتيكالىق تاپانشامەن اتۋدان جارىسقا تٷسكەن. سەرٸگٸ شەۆۆال يلايدا تارحانمەن بٸرگە ارالاس سىندا كٷمٸس جٷلدەگە يە بولدى.
ونىڭ جارىسقا ارنايى كيٸم مەن كٶزٸلدٸرٸكسٸز, قۇلاققاپسىز شىعىپ, قولىن قالتاسىنا سالىپ جٷرٸپ, وليمپيادانىڭ كٷمٸس مەدالٸن الىپ كەتكەنٸ كٶرەرمەندەردٸ تاڭعالدىردى. سٶيتٸپ يۋسۋف ديكەچتىڭ فوتوسۋرەتٸن كٶرگەندەر وعان «كيللەر» سيياقتى دەپ ەزٸلدەپ, وليمپيادا مەمٸنە اينالدىردى. قازٸرگٸ يۋسۋفتى وليمپيادانى باقىلاپ وتىرعان ەربٸر كٶرەرمەن بٸلەدٸ دەسەك ارتىق ەمەس.
ول ٶز سۇحباتىندا ارنايى كيٸم مەن قۇرال-جابدىق اسىنسا ٶزٸن جايسىز سەزٸنەتٸنٸن, سوندىقتان ٶزٸنە ىڭعايلى كيٸممەن سايىسقا شىققانىن ايتقان.
«تٷركييادا عانا ەمەس, ەلەمدە تانىمال بولىپ شىعا كەلدٸم. ادامدار ەلەۋمەتتٸك جەلٸلەردە مەنٸ بەلگٸلەپ, جەكەمە جازىپ جاتىر. ٶتە قۋانىشتىمىن", – دەدٸ يۋسۋف ديكەچ.
تٷرٸك جاندارمەريياسىندا ٸستەگەن ديكەچ 28 جاسىنان باستاپ كەسٸبي سپورتپەن اينالىسا باستاعان. ول 2008 جىلدان بەرٸ بەس رەت جازعى وليمپيادا ويىندارىنا قاتىسقان.
جٷكتٸ سپورتشىلار
مىسىرلىق سەمسەرلەسۋشٸ نادا حافەز قۇرساقتاعى جەتٸ ايلىق بالاسىمەن وليمپياداعا قاتىسىپ, 1/8 فينالعا دەيٸن جەتتٸ. ٷش مەرتە وليمپيادا ويىندارىنا قاتىسقان جاس انا وسى جولعىنىڭ جٶنٸ بٶلەك دەيدٸ. ول ٶز سۇحباتىندا «ەكٸ ادام سەمسەرلەسكەنٸمەن, ٷش ادام سايىسقا تٷستٸ» -دەيدٸ.
ساداق اتۋدان سىنعا تٷسكەن ەزەربايجاندىق مەرگەن يايلاگيۋل رامازانوۆانىڭ دا قۇرساعىندا جەتٸ ايلىق بالاسى بولعان. ول ٶزٸن قولداپ جاتقان جانكٷيەرلەرگە العىسىن بٸلدٸردٸ. سەبەبٸ اياعى اۋىر بولىپ جٷرٸپ وليمپياداعا دايىندالۋ وڭاي بولماعان جەنە ٶزٸنٸڭ جارىستاعى نەتيجەسٸنە كٶڭٸلٸ تولماعان.
فوتو:elitar.kz
ترانسگەندەر داۋى
وليمپيادا ويىندارىندا الجيرلٸك بوكسشى يمان حەليف يتالييالىق انجەلا كارينامەن جەكپە-جەككە شىققان, الايدا 46 سەكۋندىڭ ٸشٸندە يمان حەليف قارسىلاسىنا قاتتى سوققى جاساپ, انجەلا كارينا ويىندى توقتاتقان. يتالييالىق بوكسشى قارسىلاسىنىڭ سوققىسى جويقىن ەكەنٸن ايتىپ, شاعىمداندى. ال حەليفتٸڭ ٶزٸنٸڭ الاپات كٷشٸن "كٶپ جىلعى ەڭبەكتٸڭ جەمٸسٸ" دەپ تٷسٸندٸردٸ.
فوتو:championat.com
كەيٸن الجيرلٸك بوكسشىعا قاتىستى «بۇرىن ەر ادام بولعان, كەيٸن جىنىسىن اۋىستىرعان ەكەن» دەگەن سىبىس شىقتى. دەل وسىلاي تايۆاندىق لين يۋيتينعا قاتىستى دا جەل سٶز تارادى. الايدا بۇل سىبىس راستالمادى.
ەكٸ سپورتشى دا ەيەل بولىپ دٷنيەگە كەلگەن, ترانسگەندەر ەمەس. ولار - ينتەرسەكس, ياعني تەستوستەرونى جوعارى ەيەلدەر. بۇل سپورتشىلاردا XY ەرلەرگە تەن حوروموسومالار انىقتالعان.
ايتا كەتەيٸك, پاريجدە ٶتٸپ جاتقان وليمپيادا ويىندارى ەلٸ اياقتالعان جوق, ياعني ەلٸ دە نەبٸر قىزىق كٷتۋگە بولادى.
ال قازاقستاننىڭ ەنشٸسٸندە قازٸر 1 التىن, 3 كٷمٸس, 3 قولا جٷلدە بار.
بالجان جەڭٸسقىزى, ULT.KZ
