تەلەجٷرگٸزۋشٸ دينارا سەتجاننىڭ Late Night Show جوباسىنا قوناق بولىپ كەلگەن پاريج پاراليمپيادا ويىندارىنىڭ چەمپيونى, پارادزيۋدوشى اقمارال ناۋاتبەك مەملەكەت تاراپىنان بەلگٸلەنگەن سىياقىنى ەلٸ الماعانىن ايتتى, دەپ حابارلايدى Ult.kz.
التىن مەدال يەلەنگەن پاراسپورتشى سۇحبات بارىسىندا قانداي سىيلىقتار العانىن تٸزبەكتەدٸ. ەڭ الدىمەن اقمارال ناۋاتبەك تۋعان جەرٸ جامبىل وبلىسى جۋالى اۋدانىنىڭ ەكٸمدٸگٸ 5 ملن تەڭگە كٶلەمٸندە سىياقى بەرگەنٸن اتاپ ٶتتٸ.
ودان كەيٸن پاراسپورتشىعا استانا قالاسىنىڭ ەكٸمدٸگٸ 3 بٶلمەلٸ پەتەر سىيلاعانى بەلگٸلٸ بولدى. بٸراق پەتەردٸڭ كٸلتٸ ەلٸ بەرٸلمەگەن.
«پەتەردٸڭ كٸلتٸ ەلٸ بەرٸلگەن جوق. قانداي تۇرعىن ٷي كەشەنٸنەن بەرٸلەتٸنٸ دە بەلگٸسٸز. وسى جىلى بەرٸلەدٸ دەپ ٷمٸتتەنەمٸن», - دەدٸ اقمارال ناۋاتبەك.
ودان بٶلەك سپورتشىعا 30 ملن تەڭگە بەرٸلگەن.
ال التىن مەدال ٷشٸن مەملەكەت بەرٸلۋٸ تيٸس 250 مىڭ دوللاردى پاراسپورتشى ەلٸ الماعانىن ايتتى.
«جاقىن ارادا الامىز دەپ ويلايمىن. وليمپيادا مەن پاراليمپيادا جٷلدەگەرلەرٸنە بۇل سىياقى بٸر ۋاقىتتا بەرٸلەتٸن سيياقتى», - دەدٸ اقمارال ناۋاتبەك.
ايتا كەتەيٸك, پاراليمپيادا ويىندارى 28 تامىز بەن 8 قىركٷيەك ارالىعىندا پاريج قالاسىندا ٶتكەن بولاتىن.
