قىرىمبەك كٶشەرباەۆ توكيو پاراليمپياداسىنىڭ جەڭٸمپازدارى مەن جٷلدەگەرلەرٸن ماراپاتتاۋ رەسٸمٸنە قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.
قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆتىڭ جارلىعىمەن داۆيد دەگتيارەۆ III دەرەجەلٸ «بارىس» وردەنٸمەن, زارينا بايباتينا, تەمٸرجان دەۋلەت, ەنۋار ساريەۆتەر «پاراسات» وردەنٸمەن, نۇردەۋلەت جۇماعالي «قۇرمەت» وردەنٸمەن ماراپاتتالدى.
قر مەملەكەتتٸك حاتشىسى قىرىمبەك كٶشەرباەۆ جاپونييا استاناسى توكيودا ٶتكەن XVI جازعى پاراليمپيادا ويىندارىنا قاتىسقان سپورتشىلارمەن كەزدەسٸپ ولارعا مەملەكەتتٸك ناگرادالارى مەن قارجىلاي سەرتيفيكاتتارىن تابىستادى.
– كەشە عانا تٶرتكٷل دٷنيە ەرەن ەرٸك-جٸگەردٸڭ, تەمٸردەي تٶزٸمنٸڭ, ٶمٸرگە قۇشتارلىقتىڭ كۋەسٸ بولدى. جاراتقان ادامنىڭ مٷمكٸندٸگٸن شەكتەگەنٸمەن, نيەتٸن شەكتەمەيتٸنٸن كٶزٸمٸزبەن كٶردٸك. توكيودا ٶتكەن پاراليمپيادا ويىندارىندا تاعدىردان تەپەرٸش كٶرگەن جانداردىڭ ەرلٸگٸنە جەر جٷزٸ تٸك تۇرىپ قۇرمەت كٶرسەتتٸ. ولاي بولۋى زاڭدىلىق ەدٸ. ٶيتكەنٸ ولار تەپسە تەمٸر ٷزەتٸن, ون ەكٸ مٷشەسٸ دٸن-امان, دەنٸ ساۋ كەي ادامدار جەتە الماعان جەتٸستٸككە جەتٸپ, بەلەستٸ باعىندىرىپ, جەڭٸس تۋىن جەلبٸرەتتٸ. راسىندا, بۇل قانداي قۇرمەتكە دە, قوشەمەتكە دە لايىق ەرەكەت, – دەدٸ قىرىمبەك ەلەۋۇلى.
سونىمەن قاتار توكيو پاراليمپياداسى ەلٸمٸز ٷشٸن اسا تابىستى بولعانىن, دٷبٸرلٸ دودادا قازاقستاندىق سپورتشىلار 5 مەدال يەلەنٸپ, ەلٸمٸز ٷشٸن رەكوردتىق كٶرسەتكٸش ورناتقانىن اتاپ ٶتتٸ.
قىرىمبەك كٶشەرباەۆ ٸس-شارا بارىسىندا التىن مەدال العان داۆيد دەگتيارەۆكە 106 ميلليون تەڭگە, كٷمٸس مەدالگە يە بولعان زارينا بايباتينا, تەمٸرجان دەۋلەت, ەنۋار ساريەۆتەرگە 63 ميلليون تەڭگە, قولا جٷلدەگەر اتانعان نۇردەۋلەت جۇماعاليگە 31 ميلليون تەڭگە قارجىلاي سىياقى تابىستادى.
سالتاناتتى ٸس-شاراعا پرەمەر-مينيستردٸڭ ورىنباسارى ەرالى توعجانوۆ, مەدەنيەت جەنە سپورت مينيسترٸ اقتوتى رايىمقۇلوۆا قاتىستى.
جيىن سوڭىندا قازاقستان سپورتشىلارىنىڭ اتىنان داۆيد دەگتيارەۆ پەن تەمٸرجان دەۋلەت سٶز سٶيلەپ, مەملەكەت باسشىسىنا العىس ايتتى.
