قازاقستاندىق الەكساندر گەرليتس پاراليمپيادا-2022 ويىندارىندا شاڭعى جارىسىندا ٷزدٸك بەستٸككە كٸردٸ, - دەپ حابارلايدى "ۇلت اقپارات" Vesti.kz سايتىنا سٸلتەمە جاساپ.
گەرليتس بٸرٸنشٸ كەلگەن قىتايلىق قاتىسۋشى ۆان شەنياننان ەكٸ مينۋتقا قالىپ قويدى. ەكٸنشٸ بولىپ فرانتسييالىق بەندجامين دەۆە, ٷشٸنشٸ بولىپ قىتايلىق تاعى بٸر سپورتشى - كاي جييۋن كەلدٸ.
قازاقستاندىق الەكساندر گەرليتس تۋرنير فاۆوريتتەرٸنٸڭ بٸرٸ - كانادالىق مارك ارەندتستٸ باسىپ وزدى. سولتٷستٸك امەريكالىق سپورتشى گەرليتس سيياقتى بياتلوندا دا ٶنەر كٶرسەتتٸ, ونىڭ قورجىنىندا التىن بار.
ايتا كەتەيٸك, كەزەكتٸ بەسٸنشٸ ورىن قازاقستاندىققا جٷلدە تٶلەمدەرٸن تاعى 10 مىڭ دوللارعا (بەس ميلليون تەڭگەدەن استام) ارتتىرۋعا مٷمكٸندٸك بەردٸ.
ەسكە سالايىق, بۇعان دەيٸن گەرليتس بەيجٸڭ-2022 ويىندارىندا قازاقستان قورجىنىنا العاشقى مەدال ەكەلگەن بولاتىن.
