ەلوردادا مەديتسينالىق قىزمەتكەرلەردٸڭ 90 پايىزى جەنە كوممۋنالدىق قىزمەتتەردٸڭ 70 پايىزى ۆاكتسينا العان. بۇل تۋرالى نۇر-سۇلتان قالاسىنىڭ ەكٸمٸ التاي كٶلگٸنوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا ايتتى, دەپ حابارلايدى "ۇلت اقپارات".
«قازٸر قالا تۇرعىندارى مەن ۇجىمداردى ۆاكتسينالاۋ جۇمىستارى بەلسەندٸ جٷرٸپ جاتىر. بٸز 100 ۆاكتسينالاۋ بەكەتٸن اشتىق, بارلىق جەكە جەنە مەملەكەتتٸك امبۋلاتورييالىق ەمحانالار كٷن سايىن جۇمىس ٸستەيدٸ, سونداي-اق ٸرٸ ساۋدا ورتالىقتارىندا ۆاكتسينالاۋ پۋنكتتەرٸ بار», - دەدٸ كٶلگٸنوۆ.
سونىمەن بٸرگە, ەكٸم ادامداردى ۆاكتسينالاۋعا ىنتالاندىرۋ ٷشٸن قۇندى سىيلىقتار ويناتىلعانىن ەسكە سالدى.
«ساراپشىلاردىڭ ايتۋىنشا, پاندەمييامەن كٷرەسۋدٸڭ باسقا جولى جوق. بٸز ۆاكتسينا العانداردىڭ سانىن ارتتىرىپ, ۇجىمدىق يممۋنيتەتتٸ قالىپتاستىرۋىمىز كەرەك. قازٸر مەديتسينا قىزمەتكەرلەرٸنٸڭ 90%-دان استامى, كوممۋنالدىق قىزمەتكەرلەرٸنٸڭ 70%-دان استامى ۆاكتسينا سالدىرعان. ودان بٶلەك, موبيلدٸ توپتار جۇمىس ٸستەيدٸ, ۇجىمدارعا بارىپ, ۆاكتسينا الۋعا كٶمەكتەسەدٸ. بۇل – ٶتە ماڭىزدى جۇمىس. بارلىق قالا تۇرعىندارىن تەزٸرەك ۆاكتسينا الۋعا جەنە ٶزدەرٸ مەن جاقىندارىن قورعاۋعا شاقىرامىن», - دەدٸ التاي كٶلگٸنوۆ.
