Elordada meditsinalyq qyzmetkerlerdiń 90 paiyzy jáne kommýnaldyq qyzmetterdiń 70 paiyzy vaktsina alǵan. Bul týraly Nur-Sultan qalasynyń ákimi Altai Kólginov Ortalyq kommýnikatsiialar qyzmetinde ótken baspasóz máslihatynda aitty, dep habarlaidy "Ult aqparat".
«Qazir qala turǵyndary men ujymdardy vaktsinalaý jumystary belsendi júrip jatyr. Biz 100 vaktsinalaý beketin ashtyq, barlyq jeke jáne memlekettik ambýlatoriialyq emhanalar kún saiyn jumys isteidi, sondai-aq iri saýda ortalyqtarynda vaktsinalaý pýnktteri bar», - dedi Kólginov.
Sonymen birge, ákim adamdardy vaktsinalaýǵa yntalandyrý úshin qundy syilyqtar oinatylǵanyn eske saldy.
«Sarapshylardyń aitýynsha, pandemiiamen kúresýdiń basqa joly joq. Biz vaktsina alǵandardyń sanyn arttyryp, ujymdyq immýnitetti qalyptastyrýymyz kerek. Qazir meditsina qyzmetkerleriniń 90%-dan astamy, kommýnaldyq qyzmetkerleriniń 70%-dan astamy vaktsina saldyrǵan. Odan bólek, mobildi toptar jumys isteidi, ujymdarǵa baryp, vaktsina alýǵa kómektesedi. Bul – óte mańyzdy jumys. Barlyq qala turǵyndaryn tezirek vaktsina alýǵa jáne ózderi men jaqyndaryn qorǵaýǵa shaqyramyn», - dedi Altai Kólginov.
