حالىقارالىق ەيەلدەر كٷنٸ مەرەكەسٸ قارساڭىندا ەۋروكوميسسييا 2021 جىلى ەۋرووداقتاعى گەندەرلٸك تەڭدٸك تۋرالى بايانداما جارييالادى, وندا COVID-19 پاندەميياسىنىڭ ەيەلدەرگە جاعىمسىز ەسەر ەتكەنٸ تۋرالى ايتىلعان, دەپ حابارلايدى قازاقپارات.
باياندامادا ايتىلعانداي, پاندەمييا ەر مەن ەيەل اراسىنداعى بۇرىننان بار تەڭسٸزدٸك مەسەلەسٸن بارلىق سالادا ۋشىقتىرىپ جەبٸردٸ. مۇنداي جاعداي ەۋروپامەن قاتار, ونىڭ سىرتىنداعى ەلدەردە دە بايقالعان.
مٷشە-مەملەكەتتەر تۇرمىستىق زورلىق-زومبىلىقتىڭ ارتقانىن تٸركەگەن. مەسەلەن, فرانتسييادا تۇرمىستىق زورلىق-زومبىلىق لوكداۋننىڭ العاشقى اپتاسىندا 32%-عا, ليتۆادا العاشقى ٷش اپتادا 20%-عا كٶبەيگەن. يرلاندييادا تۇرمىستىق زورلىق-زومبىلىق بەس ەسەگە ارتقان, يسپان بيلٸگٸ كارانتيننٸڭ العاشقى ەكٸ اپتاسىندا زورلىق-زومبىلىق تۋرالى حابارلاعانداردىڭ 18%-عا كٶبەيگەنٸن مەلٸمدەدٸ.
پاندەمييامەن كٷرەستە ەيەلدەر الدىڭعى شەپتە قىزمەت ەتكەن بولىپ شىقتى: مەديتسينا جەنە ەلەۋمەتتٸك قىزمەتكەرلەردٸڭ 76%-ى – ەيەلدەر, ەۋرووداق ەلدەرٸنٸڭ سانيتارييا قىزمەتٸنٸڭ 86% جۇمىسشىسى دا نەزٸك جاندىلار.
پاندەميياعا بايلانىستى بۇل سالاداعى ەيەلدەر جۇمىستىڭ اۋىرتپالىعىن كٶتەرٸپ, دەنساۋلىعىنا قاۋٸپ تٶندٸرٸپ, جۇمىس پەن جەكە ٶمٸر اراسىنداعى مەسەلەلەرگە تاپ بولدى.
سونىمەن قاتار, گەندەرلٸك تەڭدٸك ەشقاشان ەو-نىڭ ساياسي كٷن تەرتٸبٸندە مۇنداي جوعارى ورىنعا يە بولعان ەمەس. كوميسسييا بٸر جىل بۇرىن قابىلدانعان گەندەرلٸك تەڭدٸك ستراتەگيياسىن ٸسكە اسىرۋ ٷشٸن ايتارلىقتاي كٷش جۇمسادى.
27 مٷشە-مەملەكەتتٸڭ ەرقايسىسىنداعى ٸلگەرٸلەۋدٸ باقىلاپ وتىرۋ ٷشٸن ەۋروكوميسسييا گەندەرلٸك تەڭدٸك ستراتەگيياسىنا مونيتورينگ جاساۋ پورتالىن ٸسكە قوستى.
ەۋروكوميسسييانىڭ قۇندىلىقتار جەنە اشىقتىق جٶنٸندەگٸ ۆيتسە-پرەزيدەنتٸ ۆەرا يۋروۆا «ەيەلدەر پاندەمييامەن كٷرەستە الدىڭعى شەپتە كەلەدٸ, بٸز ەدٸلدٸك پەن تەڭدٸكتٸ تالاپ ەتۋٸمٸز كەرەك» دەپ اتاپ ٶتتٸ.
ەو-نىڭ تەڭدٸك مەسەلەلەرٸ بويىنشا كوميسسارى حەلەنا داللي «COVID-19 داعدارىسى ەيەلدەردٸڭ ٶمٸرٸنە جاعىمسىز ەسەر ەتكەنٸمەن, بۇل جاعدايدى مٷمكٸندٸك رەتٸندە پايدالانۋىمىز كەرەك» دەدٸ.
