پاندەمييا باستالعالى بەرٸ ەلەمدە ەربٸر التىنشى جاس مامان جۇمىسىنان ايىرىلعان, ال قالعانىنىڭ جۇمىس كٷنٸ ورتاشا ەسەپپەن 23%-عا قىسقارعان. بۇل تۋرالى حالىقارالىق ەڭبەك ۇيىمىنىڭ (حەۇ) جاڭا زەرتتەۋٸندە ايتىلعان, دەپ حابارلايدى بۇۇ جاڭالىقتار ورتالىعى.
حەۇ-نىڭ باس ديرەكتورى گاي رايدەر ەل ٷكٸمەتتەرٸن ەكونوميكانى قالپىنا كەلتٸرۋ جەنە ادامداردى جۇمىس ورنىنا قايتارۋ ٷشٸن شۇعىل شارالار قابىلداۋعا شاقىردى. باسقالارعا قاراعاندا, سولتٷستٸك جەنە وڭتٷستٸك امەريكانىڭ, سونىمەن قاتار ەۋروپا جەنە ورتالىق ازييا ەلدەرٸنٸڭ تۇرعىندارى كٶپ زارداپ شەككەن. سونداي-اق, جاستار اراسىندا ٶزدەرٸنٸڭ وسال توپتارى بار: ەيەلدەر ەرلەرگە قاراعاندا جۇمىس ورىندارىن كٶپ «جوعالتادى». كٶپتەگەن ەلدە ولار ەكونوميكانىڭ بەيرەسمي سەكتورىندا جۇمىس ٸستەيدٸ. مىسالى, كٷتۋشٸ نەمەسە ٷي كٶمەكشٸسٸ جەنە ت.ب. وقشاۋلاۋ رەجيمٸنٸڭ ەنگٸزٸلۋٸنە بايلانىستى ولاردىڭ كٶپشٸلٸگٸ جۇمىسىنان ايىرىلدى.
پاندەميياعا دەيٸن دە بٷكٸل ەلەم بويىنشا جاستار اراسىنداعى جۇمىسسىزدىق دەڭگەيٸ جوعارى بولدى. بۇل كٶرسەتكٸشتەر تٸپتٸ 2008 جىلعى قارجىلىق داعدارىسى كەزەڭٸندەگٸدەن دە ناشار, ول 13,6%-دى قۇرايدى, ياعني 267 ملن جاس جۇمىسسىز جەنە وقىماعان. قازٸر جاعداي تٸپتٸ تٶمەندەدٸ.
