Pandemiia bastalǵaly beri álemde árbir altynshy jas maman jumysynan aiyrylǵan, al qalǵanynyń jumys kúni ortasha eseppen 23%-ǵa qysqarǵan. Bul týraly Halyqaralyq eńbek uiymynyń (HEU) jańa zertteýinde aitylǵan, dep habarlaidy BUU Jańalyqtar ortalyǵy.
HEU-nyń bas direktory Gai Raider el úkimetterin ekonomikany qalpyna keltirý jáne adamdardy jumys ornyna qaitarý úshin shuǵyl sharalar qabyldaýǵa shaqyrdy. Basqalarǵa qaraǵanda, Soltústik jáne Ońtústik Amerikanyń, sonymen qatar Eýropa jáne Ortalyq Aziia elderiniń turǵyndary kóp zardap shekken. Sondai-aq, jastar arasynda ózderiniń osal toptary bar: áielder erlerge qaraǵanda jumys oryndaryn kóp «joǵaltady». Kóptegen elde olar ekonomikanyń beiresmi sektorynda jumys isteidi. Mysaly, kútýshi nemese úi kómekshisi jáne t.b. Oqshaýlaý rejiminiń engizilýine bailanysty olardyń kópshiligi jumysynan aiyryldy.
Pandemiiaǵa deiin de búkil álem boiynsha jastar arasyndaǵy jumyssyzdyq deńgeii joǵary boldy. Bul kórsetkishter tipti 2008 jylǵy qarjylyq daǵdarysy kezeńindegiden de nashar, ol 13,6%-dy quraidy, iaǵni 267 mln jas jumyssyz jáne oqymaǵan. Qazir jaǵdai tipti tómendedi.
