يسپانييانىڭ پالما ارالىنداعى كۋمبرە-ۆەحا جانارتاۋىنان اققان لاۆا اعىنى تاسجولدى كەسٸپ ٶتٸپ, ارالدىڭ قالعان بٶلٸگٸنەن سالىستىرمالى تٷردە قاۋٸپسٸز دەپ سانالاتىن ايماقتى وقشاۋلاپ تاستادى, دەپ حابارلايدى قازاقپارات Euronews-كە سٸلتەمە جاساپ.
كۋمبرە-ۆەحا جانارتاۋى ەكٸ جارىم ايدان بەرٸ اتقىلاپ كەلەدٸ. وسى ۋاقىت ٸشٸندە لاۆا 1 100 گەكتار اۋماقتى ٶرتەپ, 2 800 عيماراتقا بٸرازىن جويىپ, بٸرازىنا زاقىم كەلتٸردٸ.
عالىمداردىڭ ايتۋىنشا, جانارتاۋ قازٸر «ۋاقىتشا بەلسەندٸ» كەزەڭٸندە. قازٸر تىنىشتالعانىمەن, كەيدە لاۆا اعىپ مەن كٷل اتقىلاپ تۇرادى. ەۆاكۋاتسييا كەزٸندە كٶپتەگەن مىسىق ارالدا قالىپ قويعان بولاتىن. ەندٸ ولار تاماق ٸزدەپ جٷر.
ەسكە سالايىق, يسپانييانىڭ پالما ارالىندا (كانار ارالدارى اۆتونومدى قاۋىمداستىعى) قىركٷيەك ايىنىڭ سوڭىندا بٸرنەشە جەر سٸلكٸنٸسٸنەن كەيٸن جانارتاۋ ويانعان ەدٸ.
