ٶزبەكستان ەل اۋماعىنا كٸرۋگە جەنە شىعۋعا ٸشٸنارا رۇقسات بەردٸ. دەگەنمەن ەلدەگٸ كارانتيندٸك شارالار بيىلعى جىلدىڭ تامىزىنا دەيٸن ۇزارتىلدى, دەپ حابارلايدى "ۇلت اقپارات".
ارنايى رەسپۋبليكالىق كوميسسييانىڭ شەشٸمٸمەن سانيتارييالىق-ەپيدەميولوگييالىق جاعدايى تۇراقتانعان ەلدەرمەن ەۋە قاتىناسى قالپىنا كەلتٸرٸلمەك. ماۋسىمنان باستاپ مىنا توپتاعى تۇلعالارعا ٶزبەكستانعا كٸرۋگە جەنە شىعۋعا رۇقسات ەتٸلەدٸ:
- شەت ەلدەردٸڭ ديپلوماتييالىق ٶكٸلدٸكتەرٸ مەن كونسۋلدىق مەكەمەلەرٸنٸڭ قىزمەتكەرلەرٸ مەن ولاردىڭ وتباسى مٷشەلەرٸ;
- ينۆەستيتسييالىق جوبالار شەڭبەرٸندە ٶزبەكستان رەسپۋبليكاسىندا جۇمىس ٸستەيتٸن شەتەلدٸك كومپانييالار مەن باسقا دا ۇيىمداردىڭ ماماندارى;
- ەمدەلۋگە كەلەتٸن (كەتەتٸن) تۇلعالار;
- شەتەلدە جاقىن تۋىستارى نەمەسە اۋىر ناۋقاس تۋىسى بار ادامدار;
- شەت مەملەكەتتەردٸڭ ديپلوماتييالىق ٶكٸلدٸكتەرٸ مەن كونسۋلدىق مەكەمەلەرٸنٸڭ سۇراۋى بويىنشا ٶزبەكستان رەسپۋبليكاسى ارقىلى باسقا ەلدەرگە جٸبەرٸلەتٸن (ترانزيتپەن) ادامدار;
- ٶزبەكستان رەسپۋبليكاسىندا تۇراقتى تٸركەلگەن شەتەل ازاماتتارىنا, ازاماتتىعى جوق ەل تۇرعىندارىنا, سونداي-اق شەت ەلدە تٸركەلگەن ٶزبەكستان رەسپۋبليكاسىنىڭ ازاماتتارى.
سونىمەن قاتار ازاماتتارعا وقۋىن نەمەسە جۇمىسىن جالعاستىرۋ ٷشٸن ٶزبەكستاننان كەتۋگە رۇقسات بەرٸلگەن. ۇشىپ-قونۋدىڭ بارلىعى سانيتارلىق ەرەجە مەن نورمالارعا سەيكەس جٷرگٸزٸلەدٸ.
ارنايى رەسپۋبليكالىق كوميسسييا ەۋە رەيستەرٸن جاسىل, سارى جەنە قىزىل تٷس ارقىلى ساناتتارعا بٶلدٸ.
«جاسىل» رەيس ساناتىنا سانيتارلىق-ەپيدەميولوگييالىق جاعدايى تۇراقتى ەلدەر ەنگەن. كوروناۆيرۋس جۇقتىرۋ جاعدايى ازايعان ەلدەر «سارى» تٷسپەن بەلگٸلەنگەن. ال «قىزىل» توپتاعىلاردىڭ قاتارىندا كوروناۆيرۋس جۇقتىرۋ وقيعاسى ازايماي تۇرعان ەلدەر بار.
