«قازاقكونتسەرت» مەملەكەتتٸك كونتسەرتتٸك ۇيىمىنىڭ ٶنەر ۇجىمدارى ەل ٶڭٸرلەرٸنە كەرەمەت تارتۋ جاساماق, دەپ حابارلايدى "ۇلت اقپارات".
60 جىلدىق تاريحى بار «قازاقكونتسەرت» ۇيىمىنىڭ «Astana sazy» جەنە «Saz&soul» انسامبلدەرٸ حالىق سٷيٸپ تىڭدايتىن تاڭداۋلى تۋىندىلار مەن جاڭا شىعارمالاردان تۇراتىن «قازاقكونتسەرت شاقىرادى» كونتسەرتٸن ۇسىنادى. ەكٸ انسامبلدٸڭ بٸرلەسكەن كونتسەرتٸنە ەلٸمٸزدٸڭ تالانتتى مۋلتي ينسترۋمەنتاليست مۋزىكانتتارى, قازاق مۋزىكاسىنىڭ دامۋىنا جاڭاشا لەپ ەكەلگەن كومپوزيتورلار باۋىرجان اقتاەۆ پەن ەدٸلجان تولىقپاەۆ جەتەكشٸلٸك ەتەدٸ.
«قازاقكونتسەرت» ۇجىمدارى قازاقتىڭ دەستٷرلٸ مۋزىكاسى مەن ەسترادا ٶنەرٸ شەبەر ٷيلەسٸم تاپقان, ۇلى دالانىڭ كٶنە مۋزىكالىق سارىندارى زاماناۋي جاڭا فورماتتا جاڭعىراتىن ەرەكشە كونتسەرتتٸ ۇسىنادى.
كونتسەرتتە حالىق ەندەرٸ, قۇرمانعازى, اقان سەرٸ, جاياۋ مۇسا, ن.تٸلەنديەۆ, ج.جاباەۆ, ك.ەزٸرباەۆ, ا.قورازباەۆتىڭ بەلگٸلٸ كومپوزيتسييالارى جاڭا فورماتتا ورىندالادى. قوس انسامبلمەن بٸرگە ساحنادا قازاقكونتسەرت سوليستەرٸ ەربولات شالدىبەكوۆ جەنە قايرات سارىباەۆ ٶنەر كٶرسەتپەك. ٶنەر سٷيەر قاۋىم قازاق مۋزىكاسىنىڭ ۇلىلىعىن, ۇلى دالامىزدىڭ كەڭدٸگٸن پاش ەتەتٸن سازدى ەۋەندەردٸ تىڭداي الادى.
ٶنەر يەلەرٸن العاش بولىپ الماتى قالاسىنىڭ جۇرتشىلىعى قارسى الادى. الماتى قالاسىنداعى كونتسەرت 2 قاراشا كٷنٸ قۇرمانعازى اتىنداعى قازاق مەملەكەتتٸك اكادەمييالىق حالىق اسپاپتار وركەسترٸنٸڭ كونتسەرت زالىندا ٶتەدٸ. ودان كەيٸن گاسترولدٸك كەرۋەن شىمكەنت قالاسىندا جالعاسىن تابادى. شىمكەنت قالاسىنىڭ ٶنەر سٷيەر قاۋىمى «قازاقكونتسەرت شاقىرادى» كونتسەرتٸن 4 قاراشا كٷنٸ شەمشٸ قالداياقوۆ اتىنداعى وبلىستىق فيلارمونييادا تاماشالاي الادى.
«ٶنەردٸڭ وزىق ٷلگٸلەرٸن حالىققا قولجەتٸمدٸ ەتۋ ماقساتىندا «قازاقكونتسەرت شاقىرادى» كونتسەرتٸ تەگٸن ٶتكٸزٸلەدٸ. بۇعان قوسا, كونتسەرت كٶرەرمەندەرگە تەك رۋحاني ازىق سىيلاپ قانا قويماي, كەسٸبي جاس مۋزىكانتتارعا دا جاقسى تەلٸمگەرلٸك ٷلگٸ بولماق. قازاقكونتسەرتتٸڭ رەسپۋبليكا ٶڭٸرلەرٸندەگٸ گاسترولدٸك ساپارى حالىقارالىق گاسترولدەرگە جالعاسپاق. قر مەدەنيەت جەنە سپورت مينيسترلٸگٸنٸڭ قولداۋىمەن ٶتەتٸن وسى ٷلكەن گاسترولدٸك ساپاردىڭ سوڭعى نٷكتەسٸ – تاشكەنت قالاسى», - دەدٸ «قازاقكونتسەرت» ۇيىمىنىڭ ديرەكتورى جەڭٸس سەيدۋللاۇلى.
ٶزبەكستانداعى قازاقستان جىلى اياسىندا تاشكەنت قالاسىنىڭ كٶرەرمەندەرٸن قازاقكونتسەرت سوليسٸ, قازاقستاننىڭ حالىق ەرتٸسٸ ماقپال جٷنٸسوۆا جەنە «Astana sazy» مەن «Saz&soul» انسامبلدەرٸ ٶز ٶنەرٸمەن قۋانتپاق.
