ٶزبەكستان بيلٸگٸ ساردوبا سۋ قويماسىنىڭ جارىلۋىنان زارداپ شەككەندەرگە 50 كٶپقاباتتى تۇرعىن ٷي سالىپ بەرەتٸنٸن ايتتى. پرەزيدەنت شاۆكات ميرزيياەۆ ارنايى جارلىققا قول قويدى. سىردارييا وبلىستىق ەكٸمدٸگٸنٸڭ مەلٸمەتٸنە سٷيەنگەن Gazeta.uz سايتىنىڭ جازۋىنشا, 50 كٶپقاباتتى ٷي 2020-2021 جىلدارى ساردوبا, اقالتىن جەنە ميرزاباد اۋداندارىنان سالىنباق.
جەرگٸلٸكتٸ بيلٸك سۋ تاسقىنىنان زارداپ شەككەن وتباسىلاردىڭ تٸزٸمٸن جاساپ, ولارعا كٶپقاباتتى تۇرعىن ٷي كەشەندەرٸنەن اقىسىز پەتەر بەرمەك.
پرەمەر-مينيستر ابدۋللا اريپوۆ جەتەكشٸلٸك جاسايتىن سۋ تاسقىننىڭ سالدارىن جويۋ جٶنٸندەگٸ ٷكٸمەت كوميسسيياسى زارداپ شەككەن وتباسىلارعا كٶمەك كٶرسەتۋگە جەنە تاسقىن زاردابىن جويۋعا سىردارييا وبلىسىنىڭ بيۋدجەتٸنە 100 ملرد سوم اقشا بٶلەدٸ. قاجەت بولعان جاعدايدا قاراجات كٶلەمٸ ۇلعايادى دەپ ايتىلادى.
سۋ شارۋاشىلىعى جەنە قۇرىلىس مينيسترلٸگٸ ساردوبا سۋ قويماسىن قالپىنا كەلتٸرۋ جوسپارىن جاساۋى تيٸس.
1 مامىردا ٶزبەكستاننىڭ سىردارييا وبلىسىنداعى ساردوبا سۋ قويماسى جارىلىپ, اينالاسىنداعى اۋىلداردى سۋ شايىپ كەتكەن. 1 مامىر تٷندە ساردوبانىڭ سۋى قازاقستاننىڭ وڭتٷستٸگٸندەگٸ, قازاق-ٶزبەك شەكاراسىندا ورنالاسقان اباي كانالىنا جەتٸپ, ماقتارال اۋدانىنداعى بٸرنەشە اۋىلدى سۋ العان. وسىدان سوڭ ماقتارال اۋدانىندا تٶتەنشە جاعداي جارييالاندى.
تٷركٸستان وبلىسى ەكٸمدٸگٸنٸڭ مەلٸمەتٸنشە, ماقتارال اۋدانىندا 14 اۋىلدىڭ 31 مىڭنان استام تۇرعىنى ەۆاكۋاتسييالانعان. 845 ٷي, 3 مەكتەپ, 5 بالاباقشا, 4 مەديتسينا عيماراتى مەن مەدەنيەت ٷيٸ جەنە 54,7 كم كٶپٸر مەن جولدى سۋ العان. بۇدان بٶلەك, 7639 گەكتار ەگٸستٸك سۋ استىندا قالعان. جٷزدەگەن مال ٶلگەن.
وقيعاعا بايلانىستى قۇرىلعان قازاقستاندىق ٷكٸمەت كوميسسيياسى 6 مامىردا سۋدان زارداپ شەككەن تۇرعىندارعا ەرقايسىسىنا 100 مىڭ تەڭگە (شامامەن 240 دوللار) كٶلەمٸندە كٶمەك بەرٸلەتٸنٸن ايتتى. كوميسسييا ٶكٸلدەرٸ سونىمەن بٸرگە ٷيٸ جارامسىز قالعان وتباسىلارعا بٸرنەشە ۇسىنىس جاسادى: بيلٸكتٸڭ كٶمەگٸمەن باسقا جاققا كٶشۋ نەمەسە اۋىلدا قالىپ, ٷيلەرٸن جٶندەتكٸزۋ نەمەسە بيلٸكتٸڭ كٶمەگٸمەن ٶز بەتٸنشە جٶندەتۋ. بيلٸك ٶكٸلدەرٸ سۋ شايعان ەگٸستٸك پەن مال شىعىنىن دا ٶتەۋگە ۋەدە بەرگەن.
بۇعان دەيٸن ٶزبەكستان قازاقستاننان كەشٸرٸم سۇراعان, ال قازاقستان نارازىلىق نوتاسىن جٸبەرۋ رايىنان قايتقان.
