7 ماۋسىمدا ٶزبەكستاندا كوروناۆيرۋس جۇقتىرۋعا قاتىستى رەكوردتىق كٶرسەتكٸش تٸركەلٸپ, بٸر تەۋلٸكتە ٸندەت جۇقتىرعان 237 ازامات انىقتالدى, دەپ حابارلايدى ٶزا اگەنتتٸگٸ.
دەنساۋلىق ساقتاۋ مينيسترلٸگٸنٸڭ كەشكٸ قورىتىندى جاڭالىعى بويىنشا ٶزبەكستاندا 237 كٸسٸ كوروناۆيرۋس جۇقتىرعانى بەلگٸلٸ بولىپ, جالپى ٸندەت راستالعاندار سانى 4 331-گە جەتكەن.
«جاڭادان ۆيرۋس جۇقتىرعانداردىڭ بارلىعى كارانتيندەگٸ باقىلاۋ ورتالىعىندا انىقتالعان. ولاردىڭ 70 پايىزعا جۋىعى تاشكەنت قالاسىنداعى كارانتيندەگٸ ازاماتتار», دەلٸنگەن حابارلامادا.
سونىمەن قاتار بٷگٸن 86 كٸسٸ اۋرۋدان ساۋىعىپ شىقتى. ولاردىڭ جالپى سانى 3 354-كە جەتتٸ. ال بٷگٸنگە دەيٸن ەلدە 17 ناۋقاس قازا بولعان. قازٸرگٸ ۋاقىتتا رەسپۋبليكا اۋماعىنداعى اۋرۋحانالاردا 960 ناۋقاس ەمدەلٸپ جاتىر.
