7 maýsymda Ózbekstanda koronavirýs juqtyrýǵa qatysty rekordtyq kórsetkish tirkelip, bir táýlikte indet juqtyrǵan 237 azamat anyqtaldy, dep habarlaidy ÓzA agenttigi.
Densaýlyq saqtaý ministrliginiń keshki qorytyndy jańalyǵy boiynsha Ózbekstanda 237 kisi koronavirýs juqtyrǵany belgili bolyp, jalpy indet rastalǵandar sany 4 331-ge jetken.
«Jańadan virýs juqtyrǵandardyń barlyǵy karantindegi baqylaý ortalyǵynda anyqtalǵan. Olardyń 70 paiyzǵa jýyǵy Tashkent qalasyndaǵy karantindegi azamattar», delingen habarlamada.
Sonymen qatar búgin 86 kisi aýrýdan saýyǵyp shyqty. Olardyń jalpy sany 3 354-ke jetti. Al búginge deiin elde 17 naýqas qaza bolǵan. Qazirgi ýaqytta respýblika aýmaǵyndaǵy aýrýhanalarda 960 naýqas emdelip jatyr.
