قايتا تۇرعىزىلىپ جاتقان تەۋەلسٸزدٸك مونۋمەنتٸ.
تاشكەنت وبلىسىنىڭ كيبراي اۋدانىندا ەكٸ اي بۇرىن سالىنعان تەۋەلسٸزدٸك مونۋمەنتٸن بۇزىپ, قايتا تۇرعىزىپ جاتىر. ازاتتىقتىڭ ٶزبەك قىزمەتٸ (وزودليك راديوسى) دەرەككٶزٸنٸڭ مەلٸمەتٸنشە, مونۋمەنت قۇرىلىسىنا بيۋدجەتتەن 6 ملن دوللار جۇمسالعان.
وزودليك راديوسىنا جٸبەرٸلگەن سۋرەتتەن مونۋمەنتتٸ قايتا بۇزىپ جاتقانىن كٶرۋگە بولادى.
بيٸكتٸگٸ 60 مەتر مونۋمەنتتٸڭ جوباسىن تٷرٸكتٸڭ "Outdoor Factory – Acik Hava fabrikasi" كومپانيياسىنىڭ ديزاينەرٸ سينان تۋرامان جاساپ شىققان.
سينان تۋرامان مونۋمەنتتٸڭ اسىعىس سالىنعانىن مويىندادى. 63 كٷننٸڭ ٸشٸندە تۇرعىزىلعان. ول قايتا جٶندەۋ جۇمىسىنا قوسىمشا شىعىن كەتپەيدٸ دەپ وتىر.
تەۋەلسٸزدٸك مونۋمەنتٸ ورنالاسقان "جاڭا ٶزبەكستان" ساياباعىن ەگەمەندٸك كٷنٸ قارساڭىندا پرەزيدەنت شاۆكات ميرزيياەۆتٸڭ ٶزٸ اشقان.
دەرەككٶزدٸڭ مەلٸمەتٸنشە, اتالعان مونۋمەنت تەۋەلسٸزدٸكتٸڭ 25 جىلدىعى قارساڭىندا اشىلۋى كەرەك بولعان. بٸراق سول كەزدەگٸ پرەزيدەنتٸ يسلام كاريموۆ قايتىس بولعاننان كەيٸن جوبا جٷزەگە اسپاي قالعان.
كەيٸن جوبانى تاشكەنت ەكٸمٸ, پرەزيدەنتكە ەڭ جاقىن ادام جاحونگير ارتىكحودجاەۆ جٷزەگە اسىرعان.
