گٷلنارا كاريموۆانىڭ قىلمىستىق جولمەن جيناعان 10 ميلليون دوللارى فرانتسييادان ٶزبەكستانعا قايتارىلدى. بۇل اقپاراتتى ٶزبەكستان ەدٸلەت مينيسترلٸگٸ حابارلادى, بٸراق قاشان, قاي كٷنٸ قايتارىلعانىن ايتپادى. اقپاراتتى ازاتتىقتىڭ ٶزبەك رەداكتسيياسى جارييالادى.
ٶزبەكستان ەدٸلەت مينيسترلٸگٸنٸڭ سٶزٸنشە, "2020 جىلى مامىر ايىندا دا گٷلنارا كاريموۆاعا تيەسٸلٸ 10 ميلليون دوللار قايتارىلعان. قازٸرگٸ ۋاقىتتا شۆەيتسارييا, اقش, فرانتسييا, رەسەي جەنە ٶزگە دە ەلدەردٸڭ بيلٸگٸ مەن ٶزبەك بيلٸگٸ ٶزبەكستاننان قىلمىستىق جولدارمەن زاڭسىز شىعارىلعان اقشالاردى قايتارۋ جٶنٸندە بەلسەندٸ جۇمىس جٷرگٸزٸپ جاتىر".
ٶزبەكستان مەن شۆەيتسارييا اراسىنداعى كەلٸسسٶزدٸڭ بٸر ساتىسى 11 اقپاندا ٶتكەن. "ەكٸ تاراپ بٸرٸككەن ۇلتتار ۇيىمىنىڭ كٶپ جاقتى تراست قورىن قۇرۋعا ۋاعدالاستى. قوردىڭ جۇمىسى گٷلنارا كاريموۆاعا بايلانىستى قىلمىستىق ٸس بويىنشا كەمپەسكەلەنگەن اكتيۆتەردٸ قايتارۋعا باعىتتالادى. تەك كاريموۆا ەمەس, ٶزگە دە كەمپەسكەلەنگەن اكتيۆتەرمەن جۇمىس ٸستەيدٸ. قازٸرگٸ ۋاقىتتا 131 ميلليون دوللار اقشا ٶزبەكستانعا قايتارىلۋعا دايىن تۇر, - دەيدٸ ٶزبەكستان ەدٸلەت مينيسترلٸگٸ.
قوردى باسقارۋ مەحانيزمٸ شۆەيتسارييا, ٶزبەكستان جەنە بٸرٸككەن ۇلتتار ۇيىمىنىڭ ٶكٸلدەرٸنەن قۇرالادى. وسىلايشا, شۆەيتسارييا مەن ٶزبەكستان اۆتيۆتەردٸ قايتارۋعا كٸرٸسەدٸ.
ەدٸلەت مينيسترلٸگٸنٸڭ سٶزٸنشە, گٷلنارا كاريماوۆا جٶنٸندەگٸ ٶزبەك سوتتارىنىڭ ٷكٸمدەرٸن مەسكەۋ قالالىق سوتى مويىنداعان, سول سەبەپتٸ رەسەي دە كاريموۆانىڭ كەمپەسكەلەنگەن اكتيۆتەرٸن ساتۋدى ۇيىمداستىرىپ جاتىر.
گٷلنارا كاريموۆانى تاشكەنت سوتى 2020 جىلى 18 ناۋرىزدا 13 جىل 4 ايعا سوتتاعان بولاتىن. وعان "قاستاندىق جاساماق بولدى, بوپسالادى, ۇرلىق جاسادى, اقشا جىلىستاتتى" دەگەن تٷرلٸ ايىپتار تاعىلعان. ٶزبەكستاندى كٶپ جىل باسقارىپ, اياق استىنان قايتىس بولعان اۆتوكرات يسلام كاريموۆتىڭ قىزى گٷلنارا كاريموۆا ەكەسٸ تٸرٸ كەزٸندە-اق تاشكەنت وبلىسىنداعى ەيەلدەر كولونيياسىنا قامالعان.
بيىل قاڭتار قىرعىنان كەيٸن پرەزيدەنت قاسىم-جومارت توقاەۆ بٸرنەشە مەلٸمدەمە جاساپ, ٷكٸمەتكە قازاقستاننان شەتەلگە زاڭسىز شىققان قارجىنى قايتارۋدى تاپسىرعان.
"قاڭتار قىرعىنىنان" كەيٸن قازاقستاننىڭ بۇرىنعى پرەزيدەنتٸ نۇرسۇلتان نازارباەۆ "قاۋٸپسٸزدٸك كەڭەسٸنٸڭ تٶراعاسى" ٶكٸلەتٸنەن ايىرىلىپ, تۋىستارى جوعارى قىزمەتتەرٸنەن بوساعان. وسىدان كەيٸن نۇرسۇلتان نازارباەۆتىڭ اينالاسىنداعى ادامداردىڭ شەتەلگە "زاڭسىز شىعارعان اقشالارىن قايتارۋ" جٶنٸندە قوعام بەلسەندٸلەرٸ سٶز ەتە باستاعان ەدٸ.
