بۇدان بىلاي ٶزبەكستاننىڭ دٸن ٸستەرٸ جٶنٸندەگٸ كوميتەتتٸڭ ۇسىنىسىمەن عانا وسى ەلدٸڭ ازاماتتارى كايردىڭ ەل-ازحار ۋنيۆەرسيتەتٸنە وقۋعا تٷسە الادى.
بۇل اقپاراتتى ەگيپەتتەگٸ ٶزبەكستان ەلشٸلٸگٸ حابارلادى.
ٶزبەك بيلٸگٸنە جاقىن ساراپشىنىڭ حابارلاۋىنشا, ەندٸ كەمەلەتكە جاسى تولماعاندارعا دٸني بٸلٸم بەرۋگە تىيىم سالىنادى, ال شەتەلدە دٸني بٸلٸم العىسى كەلەتٸن ەرەسەك ازاماتتار الدىمەن دٸن ٸستەرٸ جٶنٸندەگٸ كوميتەتتەن رۇقسات الۋى تيٸس.
ونىڭ پٸكٸرٸنشە, بيلٸك ماقساتى - ەگيپەت پەن تٷركييادان زاڭسىز دٸني بٸلٸم الۋعا كەتەتٸن جاستار لەگٸن توقتاتۋ.
ٶزبەكستاننىڭ ارنايى قىزمەتٸنە ساراپتامالىق ماتەريال دايىندايتىن ساراپشىنىڭ ايتۋىنشا, سوڭعى بەس ايدا شەكارادان ەگيپەتكە دٸني بٸلٸم الۋعا كەتپەك بولعان 1800 كەمەلەتكە جاسى تولماعان جەتكٸنشەك ۇستالعان. ولاردىڭ كٶبٸ فەرعانا, ەندٸجان جەنە نامانگان وبلىسىنىڭ تۇرعىندارى.
1990 جىلدارى ەل-ازحار ۋنيۆەرسيتەتٸندە بٸلٸم العان Azon.uz سايتىنىڭ نەگٸزٸن قالاۋشى مۋباششير احماد Facebook پاراقشاسى ارقىلى ٶزبەكستان بيلٸگٸنٸڭ بۇل شەشٸمٸ ازاماتتاردىڭ بٸلٸم الۋعا دەگەن كونستيتۋتسييالىق قۇقىعىن شەكتەۋٸ دەپ مەلٸمدەدٸ.
