Budan bylai Ózbekstannyń din isteri jónindegi komitettiń usynysymen ǵana osy eldiń azamattary Kairdyń Ál-Azhar ýniversitetine oqýǵa túse alady.
Bul aqparatty Egipettegi Ózbekstan elshiligi habarlady.
Ózbek biligine jaqyn sarapshynyń habarlaýynsha, endi kámeletke jasy tolmaǵandarǵa dini bilim berýge tyiym salynady, al shetelde dini bilim alǵysy keletin eresek azamattar aldymen din isteri jónindegi komitetten ruqsat alýy tiis.
Onyń pikirinshe, bilik maqsaty - Egipet pen Túrkiiadan zańsyz dini bilim alýǵa ketetin jastar legin toqtatý.
Ózbekstannyń arnaiy qyzmetine saraptamalyq material daiyndaityn sarapshynyń aitýynsha, sońǵy bes aida shekaradan Egipetke dini bilim alýǵa ketpek bolǵan 1800 kámeletke jasy tolmaǵan jetkinshek ustalǵan. Olardyń kóbi Ferǵana, Ándijan jáne Namangan oblysynyń turǵyndary.
1990 jyldary Ál-Azhar ýniversitetinde bilim alǵan Azon.uz saitynyń negizin qalaýshy Mýbashshir Ahmad Facebook paraqshasy arqyly Ózbekstan biliginiń bul sheshimi azamattardyń bilim alýǵa degen konstitýtsiialyq quqyǵyn shekteýi dep málimdedi.
