ٶزبەكستان بيلٸگٸ ەلگە "تاليبان" قوزعالىسىنىڭ يدەولوگيياسى كٸرٸپ كەتەدٸ دەپ قورىقپايدى. قوزعالىستىڭ حالىقارالىق قاۋىمداستىقپەن ارالاسۋى ولاردىڭ دامۋىنا كٶمەكتەسەدٸ. بۇل تۋرالى ٶزبەكستان سىرتقى ٸستەر مينيسترٸ ابدۋلازيز كاميلوۆ رەسەي جۋرناليستەرٸنە ايتتى, دەپ حابارلايدى ازاتتىق.
مينيستر 22 قازان كٷنٸ وسى جٶنٸندە باسپاسٶز مەسليحاتىن ٶتكٸزدٸ. وعان "پەرۆىي كانال", "روسسييا 24", نتۆ تەلەارنالارى مەن تاسس اقپارات اگەنتتٸگٸنٸڭ, "كوممەرسانت" جەنە "كومسومولسكايا پراۆدا" گازەتتەرٸنٸڭ تٸلشٸلەرٸ قاتىسقان. مەسليحات ەكٸ ساعاتقا ۇلاستى دەيدٸ Gazeta.uz باسىلىمى.
كەزدەسۋدە ٶزبەكستان اۋماعىندا تەلٸپ يدەولوگيياسىنىڭ تاراۋ ىقتيمالدىعى تۋرالى سۇراق قويىلدى.
"مەنٸڭشە, "تاليباننىڭ" الدىندا تۇرعان مٸندەتتەردٸڭ قاتارىندا سٸز ايتقان مەسەلە تۇرعان جوق. ولارعا قازٸر اياعىنا نىق تۇرىپ, قانداي دا بٸر مەملەكەت قۇرعانى, ولاردى مويىنداعانى قاجەت, – دەدٸ ٶزبەك سىرتقى ٸستەر مينيسترٸ. – يدەولوگيياسىن ەكسپورتتايتىن دەرەجەگە جەتكەنشە كٶپ ۋاقىت كەتەدٸ. وسى ۋاقىت ارالىعىندا قوزعالىس ەۆوليۋتسييالانادى دەپ ٷمٸتتەنەمٸز. ولار نەعۇرلىم ايماق ٸسٸنە ارالاسسا, سوعۇرلىم حالىقارالىق ٸستەرگە ارالاسادى جەنە وندا حالىقارالىق قۇقىققا سٷيەنۋ قاجەت بولادى. ولار نەعۇرلىم حالىقارالىق قاۋىمداستىقتا مويىندالعانىن قالاسا, سوعۇرلىم قوزعالىس پەن ونىڭ جەتەكشٸلەرٸنٸڭ يدەولوگيياسى, كٶزقاراسى ٶزگەرەدٸ".
مينيستردٸڭ سٶزٸنشە, "ٶزبەكستاننىڭ ۇلتتىق باسىمدىقتارى مەن ۇلتتىق يدەياسى تۇرعاندا تەلٸپ يدەولوگيياسىنا ورىن جوق".
"مٸنە, ەيەلدەر قازٸردەن ورامال تاعا باستادى, دەمەك تەلٸپتەر كەلەدٸ دەيدٸ كەيدە. بۇل سالىستىراتىن نەرسە مە? ەلەمنٸڭ جارتىسى ورامال تاعادى, ٶيتكەنٸ ول – سەن, سولاي ەمەس پە? سول سەبەپتٸ بٸز بٷگٸن تەلٸپ يدەولوگيياسى كٸرٸپ كەتەدٸ دەپ قورىقپايمىز, – دەدٸ ابدۋلازيز كاميلوۆ. – تەلٸپتەردٸڭ نەگٸزگٸ يدەولوگيياسى ٶز ەلٸن شەتەلدٸكتەردەن ازات ەتۋ, بار بولعانى سول عانا.
2021 جىلعى مامىردا اۋعانستانداعى شەتەل ەسكەرٸ كەتە باستاعاندا, شابۋىلىن ٷدەتٸپ, تامىزدىڭ ورتاسىنا قارىپ ەل استاناسى كابۋلعا كٸردٸ دە, تۇتاس اۋعانستاندى باقىلاۋعا العانىن مەلٸمدەدٸ. ٶزبەك بيلٸگٸ "تاليباندى" قۇجات جٷزٸندە مويىنداماسا دا, ولارمەن ەرٸپتەستٸك ورناتۋعا نيەتتٸ ەكەنٸن بٸلدٸردٸ. مەسەلەن, 7 قازان كٷنٸ ابدۋلازيز كاميلوۆ باستاعان ٶزبەك دەلەگاتسيياسى اۋعانستانعا ساپارلاپ, "تاليبان" باسشىلىعىمەن كەلٸسسٶز جٷرگەن. ال 16 قازان كٷنٸ ٶزبەكستاننىڭ تەرمەز قالاسىنا تەلٸپتەردٸڭ دەلەگاتسيياسى كەلدٸ.
20 قازان كٷنٸ مەسكەۋدە ٶزبەكستان پرەزيدەنتٸنٸڭ اۋعانستان جٶنٸندەگٸ ارنايى ۋەكٸلٸ يسماتۋللا يرگاشەۆ تاشكەنتتٸڭ تەلٸپ بيلٸگٸن قانداي جاعدايدا مويىندايتىنىن ايتتى. تاشكەنت تالاپتارىنىڭ بٸرٸ – اۋعان قوعامىنداعى بارلىق ساياسي تاراپتىڭ قاتىسۋىمەن قۇرىلاتىن ٷكٸمەت.
