فوتو: Stan.kz
2023 جىلدىڭ سوڭىندا مي جاراقاتىنان كەيٸن كوماعا تٷسكەن سارباز ەربايان مۇحتاردىڭ جاعدايى جاقساردى. تٷركييادا ۇزاق ەمدەلگەننەن كەيٸن ەربايان مۇحتاردىڭ بەتٸ بەرٸ قارادى. قازٸر ٶمٸرٸنە قاۋٸپ تٶنٸپ تۇرعان جوق, دەپ حابارلايدى Ult.kz Stan.kz-كە سٸلتەمە جاساپ.
18 قاڭتاردا ەربايان مۇحتاردىڭ وتباسىنىڭ مٷددەسٸن قورعايتىن زاڭگەر جەنە قۇقىق قورعاۋشى ينگا يمانباي جٸگٸتتٸڭ دەنساۋلىعى ايتارلىقتاي جاقسارعانىن ايتتى. ىستامبۇلدا ەرباياننىڭ باسىنا سەتتٸ وتا جاسالىپ, ينفەكتسيياسى جازىلدى, كاتەتەر مەن مۇرنىنان زوندى الىندى.
"ول سالماق قوسىپ, روبوتتىڭ كٶمەگٸمەن قوزعالا باستادى. ٶز بەتٸمەن ازداپ تاماق ٸشە باستادى. دەرٸگەرلەردٸڭ بولجامى جاقسى, بٸراق تولىق جازىلۋ ٷشٸن ۋاقىت قاجەت", – دەدٸ ينگا يمانباي.
ايتا كەتەيٸك, ەربايان مۇحتار ۇلتتىق ۇلاننىڭ الماتى قالاسىنداعى 5571 ەسكەري بٶلٸمٸندە ەسكەري بورىشىن ٶتەپ جٷرگەن. 2023 جىلدىڭ جەلتوقسانىندا سارباز مي جاراقاتىن الىپ, سودان كەيٸن كوماعا تٷستٸ. ەسكەري بٶلٸم باسشىلىعى ساربازدىڭ تۋىستارىنا ەرباياننىڭ دەرەتحانادا قۇلاپ, باسىن ەدەنگە سوعىپ العانىن ايتقان. الايدا ساربازدىڭ جاقىندارى ۇلدارىنىڭ ابايسىزدا قۇلاپ قالعانىنا سەنبەيدٸ. ٸشكٸ ٸستەر مينيسترلٸگٸ تەرگەۋ بارىسىن ٶز باقىلاۋىنا الدى.
ەسكە سالساق, بۇعان دەيٸن قازاقستاندىقتار 6 ايدان استام كومادا جاتقان سارباز ەربايان مۇحتاردىڭ ەمٸ ٷشٸن 230 ميلليون تەڭگە جيناپ بەردٸ. 27 قىركٷيەك كٷنٸ سارباز تٷركيياعا ەمدەلۋگە جٸبەرٸلگەن ەدٸ.
