Foto: Stan.kz
2023 jyldyń sońynda mi jaraqatynan keiin komaǵa túsken sarbaz Erbaian Muhtardyń jaǵdaiy jaqsardy. Túrkiiada uzaq emdelgennen keiin Erbaian Muhtardyń beti beri qarady. Qazir ómirine qaýip tónip turǵan joq, dep habarlaidy Ult.kz Stan.kz-ke silteme jasap.
18 qańtarda Erbaian Muhtardyń otbasynyń múddesin qorǵaityn zańger jáne quqyq qorǵaýshy Inga Imanbai jigittiń densaýlyǵy aitarlyqtai jaqsarǵanyn aitty. Ystambulda Erbaiannyń basyna sátti ota jasalyp, infektsiiasy jazyldy, kateter men murnynan zondy alyndy.
"Ol salmaq qosyp, robottyń kómegimen qozǵala bastady. Óz betimen azdap tamaq ishe bastady. Dárigerlerdiń boljamy jaqsy, biraq tolyq jazylý úshin ýaqyt qajet", – dedi Inga Imanbai.
Aita keteiik, Erbaian Muhtar ulttyq ulannyń Almaty qalasyndaǵy 5571 áskeri bóliminde áskeri boryshyn ótep júrgen. 2023 jyldyń jeltoqsanynda sarbaz mi jaraqatyn alyp, sodan keiin komaǵa tústi. Áskeri bólim basshylyǵy sarbazdyń týystaryna Erbaiannyń dárethanada qulap, basyn edenge soǵyp alǵanyn aitqan. Alaida sarbazdyń jaqyndary uldarynyń abaisyzda qulap qalǵanyna senbeidi. Ishki ister ministrligi tergeý barysyn óz baqylaýyna aldy.
Eske salsaq, buǵan deiin qazaqstandyqtar 6 aidan astam komada jatqan sarbaz Erbaian Muhtardyń emi úshin 230 million teńge jinap berdi. 27 qyrkúiek kúni sarbaz Túrkiiaǵa emdelýge jiberilgen edi.
