بٷگٸن تالعار اۋدانىندا «ويقاراعاي لەسنايا سكازكا» تاۋ-شاڭعى كەشەنٸ اشىلدى. قىسقى تۋريزمدٸ دامىتۋدى كٶزدەگەن كەشەننٸڭ اشىلۋ سالتاناتىنا وبلىس ەكٸمٸ اماندىق باتالوۆ, نىسان ينۆەستورلارى, «قازاق تۋريزم» ۇك ٶكٸلدەرٸ قاتىستى.
دەمالۋعا كەلگەن كٸشكەنتاي بالعىندارمەن بٸرگە وبلىس ەكٸمٸ ا. باتالوۆ نىساننىڭ لەنتاسىن قيدى.
مەملەكەتتٸك - جەكەمەنشٸك ەرٸپتەستٸك نەگٸزٸندە جٷزەگە اسىرىلعان تۋريستٸك جوبا سالاماتتى ٶمٸر سالتىن قالىپتاستىرۋ, بۇقارالىق سپورتتى دامىتۋعى ىقپال ەتپەك. نىساننىڭ وسى جەنە ٶزگە دە ەرەكشەلٸكتەرٸنە توقتالىپ ٶتكەن وبلىس ەكٸمٸ اماندىق باتالوۆ ٶز قۇتتىقتاۋ سٶزٸندە كەشەننٸڭ قىسقى تۋريزمدٸ دامىتۋداعى رٶلٸن اتاپ ٶتتٸ.
- ەلباسى وبلىسقا كەلگەن ساپارىندا تۋريزم كلاستەرٸن قالىپتاستىرۋ تۋرالى تاپسىرما بەرگەن ەدٸ. سونىڭ ٸشٸندە شىمبۇلاقتان باستاپ تٷرگەن شاتقالىنا دەيٸنگٸ ارالىقتا تاۋ تۋريزمٸن دامىتۋ قاجەتتٸگٸن ايتقان بولاتىن. سوعان بايلانىستى بٷگٸن, مٸنە, جاڭا تاۋ-شاڭعى كەشەنٸن اشىپ وتىرمىز. مەملەكەت تاراپىنان قولداۋ كٶرسەتٸلٸپ, رەسپۋبليكالىق ماڭىزداعى اۆتوكٶلٸك جولىنان كەشەنگە دەيٸنگٸ 6,2 كم جولعا كٷردەلٸ جٶندەۋ جاسادىق. وسى تاۋ-شاڭعى كۋرورتىنا ينۆەستور ٶزٸنٸڭ جەكە قاراجاتى ەسەبٸنەن 60 ملن. اقش دوللارىن قۇيدى. بۇل - وتباسىمەن كەلٸپ, تاۋدىڭ تازا اۋاسىمەن تىنىستاپ, شاڭعى تەۋٸپ, سىرعاناپ, دەمالۋعا تاپتىرمايتىن ورىن. كەلٸڭٸزدەر, يگٸلٸگٸن كٶرٸڭٸزدەر, سىرعاناڭىزدار, شاتتانىڭىزدار, - دەدٸ ا. باتالوۆ.
ودان كەيٸن ينۆەستور, «Alina» كومپانييالار توبىنىڭ پرەزيدەنتٸ ەرلٸك بالفانباەۆ سٶز الىپ, وسى جوبانى جٷزەگە اسىرۋعا قولداۋ كٶرسەتكەن وبلىس باسشىلىعىنا, «قازاق تۋريزم» ۇك-عا, تاۋ-شاڭعى كەشەنٸنٸڭ قۇرىلىسىنا قاتىستى كەسٸبي اقىل-كەڭەس بەرگەن اۆسترييالىق ەرٸپتەستەرٸنە, «Alina» كومپانيياسىنىڭ ماماندارىنا, قۇرىلىسشىلارعا – بارلىعىنا ريزاشىلىعىن جەتكٸزدٸ.
تاۋ-شاڭعى كەشەنٸنٸڭ جالپى اۋماعى 85 گا. تەڭٸز دەڭگەيٸنەن 1500-1800 مەتر بيٸكتٸكتە ورنالاسقان. مۇندا كەلۋشٸلەر ارنايى ارقان جولدارمەن بيٸككە كٶتەرٸلٸپ, تٶمەنگە شاڭعىمەن نەمەسە باسقا دا قۇرالدارمەن سىرعاناپ تٷسەدٸ. اتالمىش كومپانييانىڭ كوممەرتسييالىق ديرەكتورى دميتريي تسايدىڭ ايتۋىنشا, مۇندا شاڭعى, سكەيتبورد, ٷرلەمەلٸ كامەرالارمەن سىرعاناۋعا ارنالعان, تٷرلٸ كٷردەلٸلٸكتەگٸ 15 ارنايى جولاق قاراستىرىلعان. سونىمەن قاتار شاڭعى تەبۋدٸ ٷيرەنگٸسٸ كەلەتٸندەر ٷشٸن شاڭعى مەكتەبٸ بار, وندا شەتەلدەن كەلگەن كەسٸبي ماماندار جۇمىس ٸستەيدٸ. نەتيجەسٸندە 2-3 ساباقتان كەيٸن-اق ٷيرەنۋشٸ شاڭعى تەبۋدٸ مەڭگەرٸپ ٷلگەرەدٸ. وتباسىمەن بەلسەندٸ جەنە الاڭسىز دەمالعىسى كەلەتٸن ازاماتتاردىڭ كٸشكەنتاي بالالارىن تاڭەرتەڭنەن كەشكە دەيٸن جىلى جەردە باعىپ بەرەتٸن بالا كٷتۋشٸلەر دە بار. مۇندا ەلەمدٸك برەند فيرمالاردىڭ سىرعاناۋعا قاجەتتٸ زاتتارى مەن كيٸم-كەشەگٸن جالعا الۋ مٷمكٸندٸگٸ ۇسىنىلادى. دەمالىس ايماعى كٷنٸنە 5000 وتاندىق جەنە شەتەلدٸك تۋريستەر مەن دەمالۋشىلاردى قابىلداۋعا دايىن.
جاز مەزگٸلٸندە شاڭعى جولدارى ۆەلوسيپەد تەبۋگە لايىقتالادى. دەمالۋشىلارعا تٷرلٸ ۇلتتىڭ اس-اۋقاتىن ەزٸرلەيتٸن 6 مەيرامحانا, 99 ورىندىق قوناق ٷي قىزمەت كٶرسەتەدٸ. الداعى جىلدارى قازٸرگٸ 13 شاقىرىمدىق سىرعاناۋ جولاقتارىنىڭ ۇزىندىعىن 40 شاقىرىمعا دەيٸن جەتكٸزۋ جوسپارى بار.
