"وتپانعا كەل, كٶرگٸڭ كەلسە امالدى..."

جالپى الاشقا, ادايعا جەنە قۇنانورىس (ىرىسقۇل) اتا ۇرپاقتارىنا ارنايمىن. امال مەرەكەسٸنە جىر شاشۋىم بولسىن. بيىل (2018) قۇنانورىستار تۋ كٶتەرٸپ الاشتى وتپان تاۋعا, بٸرلٸككە باستايدى. اللا بارشا قازاققا ابىروي بەرسٸن! 

اۆتور 

جال – جال دا بيٸك جار قۇمدار,
جانىڭدا سەنٸڭ زار-مۇڭ بار.
اتامدى كٶرگەن اناۋ جىل,
اتان دا ٶركەش نار قۇمدار.

بالاسىن نارلار قارپىعان,
زاماننىڭ زاۋال زارپىنان.
بەلدەۋدە تۇرعان كٶكمويناق
ەرلەردٸ ٸزدەپ تارپىعان.

اي ٶتپەي جاتىپ جاراعان,
كٷن ٶتپەي تۇلىم تاراعان,
جەلٸدەن قۇلىن شىڭعىرىپ,
كٶكمويناق اتقا قاراعان.

كٶكمويناق كەتسە قۇلىن بار,
كٶكجالدار كەتسە ۇلىم بار.
وتپان تاۋ – سەرتتٸڭ مەكەنٸ,
ۋەدەلٸ جەرگە بۇرىن بار.

ەر ٶلمەك , سٸرە, نامىستان,
ەل ٷشٸن جاۋمەن الىسقان.
ۇل مەنەن قىزعا قاراپ تۇر,
اتامىز اداي الىستان.

بابامىز قونىس ەتكەن جەر,
بايراعىن تٸگٸپ كەتكەن جەر.
ويلاعان جانعا – وتپان تاۋ,
اللا بٸر قولداپ جەتكەن جەر.

سٷيەگٸڭ سۋسا شاشىلىپ,
ساعاقتان جاتتىڭ اسىلىپ.
كٸمدەر دە كەلٸپ كەتكەن جوق,
باق تايعان كٷنٸ باسىنىپ.

قىناداي جاتتىق قىرىلىپ,
مولاعا جاتتىق تىعىلىپ.
قاراعاي, قايىڭ قارا ورمان,
ٶرتەندٸ سولاي جىعىلىپ.

سالتانات كٶرگەن ەل ەدٸك,
قىرمىزى قىزىل بەل ەدٸك.
ەۋليە بەكەت پٸرٸ بار,
تاسىعان توپان, سەل ەدٸك.

تاباننان توزىپ تٸلٸندٸ,
جاسانعان جاۋعا ٸلٸندٸ.
جولبارىس قايرات ەرلەردٸڭ
جوقتىعى قانشا بٸلٸندٸ.

اسىرىپ جاۋدان ايلاسىن,
قارۋىن ەرلەر سايلاسىن.
شەيٸتتەر جاتىر ساۋىتپەن,
باسىنا قاداپ نايزاسىن.

كٷمبٸر دە –كٷمبٸر كٷي ەدٸ,
كٷمٸستەن ەدٸ تيەگٸ.
ەر جۋساننىڭ تٷبٸندە-
شالداردىڭ جاتىر سٷيەگٸ.

ٶزەگٸن ٶرتەپ وت – قايعى,
ساداعىن ساردار وقتايدى.
سولاردان قالعان ماڭعىستاۋ,
بوتاسىن بوزداپ جوقتايدى.

ارۋانا دالا بوزداسىن,
ار ٶلٸپ, نامىس توزباسىن.
سەگٸز ارىس سەمسەر جٷر,
ارۋدىڭ سٷرتٸپ كٶز جاسىن.

انانىڭ قالدى بۇرىمى,
اسىلدىڭ قالدى تۇلىمى.
سەن ويلاماي كٸم ويلار,
ٸزٸندە قالعان قۇلىنى.

سالتىڭدى ساقتا ساردارىم,
سەگٸز دە ارىس ارداعىم.
ۇلتىڭنىڭ سالتىن جوعالتساڭ,
تٸستەۋلٸ كەتەر بارماعىڭ.

وتپان دا, وتپان, وتپانىم,
جەتەدٸ جٷيرٸك جوققا كٸم?!..
باردىڭ دا بٸلٸپ باعاسىن,
وتپانعا كەلٸپ توقتادىڭ.

جٷزەم دەپ قارسى اعىنعا,
جٷرەگٸڭ كٷيدٸ جالىنعا.
سەگٸز دە ارىس بۇل اداي,
الاشقا قامساۋ قابىرعا.

امالدىڭ كٷنٸ اس بەردٸڭ,
الاشتىڭ بەرٸن قوش كٶردٸڭ.
اللانىڭ قۇلىن اق تٸلەك,
شىعارىپ تٶرگە دوس كٶردٸڭ.

قاراشاڭىراق تٸگٸلدٸ,
يٸلٸپ كەلٸن جٷگٸردٸ.
قۇشاق تا جايىپ كٶرٸسٸپ,
كٶرسەتتٸڭ كٶپكە بٸر ٷلگٸ.

بٸزدەرگە بٸتكەن جٷرەك بۇل,
جٷرەك پەن سٷيدٸم ..ٸزەت قىل.
اتامىز اداي وتپاندا,
قازاققا بٸرلٸك تٸلەپ تۇر.

ەر لاباق ەلدٸڭ ايبارى,
ەر شاباي قىلىش قايرادى,
ەسەن مەن سٷگٸر ەرلەرٸم,
كٶگەندەپ جاۋدى بايلادى.

تۋىسقا تەتتٸ تٸلەكپٸن.
تٷسٸنگەن جانعا جٷرەكپٸن.
قۇنانورىس ەر بابام,
ادايدىڭ ارىن كٷزەتتٸڭ.

سەگٸز دە بٸردەي اۋىلمىن,
ەرۋاعى بۇلتتاي داۋىلمىن.
الشىنعا بٸتكەن قىلىشپىن,
الاشقا بٸتكەن باۋىرمىن.
جانباي دا مەنەن جانتۋعان,
الاشتى شاقىر وتپانعا,
كٶتەرٸپ تۋىن دەۋٸردٸڭ!

قۇنانورىس ەر باباڭ-
ۇلدارىن كٶرٸپ قۋانسىن,
ۇلتىن دا كٶرٸپ تۋ السىن.
قازاقتى قازاق ارداقتاپ,
دۇشپاننىڭ جٷزٸ قۋارسىن.
اتادان تۋعان ۇل بولساڭ,
ورنىڭنان اداي تۇرارسىڭ!

سابىر اداي

17.01.2018. 

وتپان تاۋعا شاقىرۋ 

وتپانعا كەل, كٶرگٸڭ كەلسە بٸرلٸكتٸ, 
ٶمٸر نەگە, كٶڭٸل نەگە دٷرلٸكتٸ? 
ماڭعىستاۋدىڭ اقىن جانى جىرلاسا, 
قاراتاۋدىڭ تاسىنا دا تٸل بٸتتٸ! 

وتپانعا كەل, كٶرگٸڭ كەلسە دəستٷردٸ, 
بولمادىڭ با جٸبيتۇعىن تاس قۇرلى? 
جۇرت ارداقتاپ باباسىنىڭ əرۋاعىن, 
باس بۇرعاندا جانارىما جاس تۇندى! 

وتپانعا كەل, كٶرگٸڭ كەلسە كيەنٸ, 
تەكسٸز نەمە قالايشا ەلٸن سٷيەدٸ? 
شىڭ باسىندا ۇرانداعان وت جانسا, 
جالىنىنا دۇشپاندارىم كٷيەدٸ! 

وتپانعا كەل, كٶرگٸڭ كەلسە امالدى, 
تٷپ-نەگٸزٸڭ قايدان, قاشان تارالدى? 
كٶرٸسكەندە قۇشاق جايىپ اعايىن, 
پەرٸشتەم دە القاپ تۇردى عالامدى! 

وتپانعا كەل, كٶرگٸڭ كەلسە عاجاپتى, 
سەن قاشانعى كٶتەرمەكسٸڭ مازاقتى? 
ۇمىتپايمىن ازاپ تولعان تاريحتى, 
ۇلىقتايمىن ازات بولعان قازاقتى! 

اسىلبەك جاڭبىرباي, اقىن