قازاقستاندا 2018 جىلى دٷنيەگە كەلگەن نەرەستەلەردٸڭ 51,6% - ۇلدار, 48,4% - قىزدار, دەپ حابارلايدى "ۇلت اقپارات".
قر ۇلتتىق ەكونوميكا مينيسترلٸگٸ ستاتيستيكا كوميتەتٸنٸڭ مەلٸمەتٸنشە, 2018 جىلى قازاقستاندا 397 799 ادام دٷنيەگە كەلگەن, ونىڭ ٸشٸندە قالادا تۋعاندارى - 235 014, اۋىلدا تۋعاندارى - 162 785. 205224 ۇل تۋدى (جالپى دٷنيەگە كەلگەندەر سانىنىڭ 51,6%) جەنە 192 575 قىز (48,4%) دٷنيە ەسٸگٸن اشتى.
بالالار سانى 11,6% -عا ارتتى (ۇلدار - 12%, قىزدار - 11,1%), ونىڭ ٸشٸندە قالالاردا - 19,4%, اۋىلدىق جەرلەردە - 1,9%. ٶتكەن جىلى بالا تۋۋدىڭ جالپى كوەففيتسيەنتٸ 1000 ادامعا شاققاندا 21,77 قۇراعان, قالالىق جەرلەردە - 22,16, اۋىلدىق جەرلەردە - 21,22 قۇرادى.
ٶڭٸرلەر اراسىندا ەڭ جوعارى تۋۋ دەڭگەيٸ ماڭعىستاۋ وبلىسىندا (1000 ادامعا شاققاندا 29,72 بالا), نۇر-سۇلتان (27,67) جەنە شىمكەنتتە (27,53) بايقالدى. ەڭ تٶمەنگٸ تۋۋ دەڭگەيٸ سولتٷستٸك قازاقستان (12,93), قوستاناي (13,30) جەنە پاۆلودار (15,72) وبلىستارىندا تٸركەلدٸ.
تۋۋدىڭ جيىنتىق كوەففيتسيەنتٸ (تجك) - ۇرپاقتى بولۋ كەزەڭٸندە (15 جاستان 49 جاسقا دەيٸن) ورتا ەسەپپەن بٸر ەيەل تۋعان بالالاردىڭ سانى - 2018 جىلى رەسپۋبليكادا 2,84 بولدى جەنە 10 جىل ٸشٸندە 6% -عا ارتتى, وبلىستاردا - 2,68 جەنە 1,9%, اۋىلدىق جەرلەردە - 3,09 جەنە 10,8%.
ەل ٶڭٸرلەرٸ اراسىندا تجك ەڭ جوعارى دەڭگەيٸ تٷركٸستان (4,07), ماڭعىستاۋ (3,91) وبلىستارىندا, ال ەڭ تٶمەنگٸ دەڭگەي - الماتى قالاسىندا (1,76) جەنە قوستاناي وبلىسىندا (1,77) تٸركەلدٸ. ٶتكەن جىلى تۋعان سەتتە نەرەستەنٸڭ اناسىنىڭ ورتاشا جاسى - 28,7, قالادا - 29, ال اۋىلدىق جەرلەردە 28,3 جاستى قۇرادى.
قازاقستاننىڭ كٶپتەگەن ايماقتارىندا تۋعان كەزدە انانىڭ ورتاشا جاسى رەسپۋبليكالىق دەڭگەيدەن اسىپ تٷستٸ. الماتى قالاسىندا بۇل كٶرسەتكٸش - 29,8, نۇر-سۇلتان قالاسىندا - 29,6 بولدى.
